食早餐嘅地方⋯又係呢間coffee Shop，貪佢夠方便⋯係我哋住嗰間酒店對面，而且價錢十分之合理，加上杯咖啡又有水準。
食飽飽後⋯我哋就出發去：泡菜體驗。
首爾泡菜文化體驗館體驗
首爾市 中區 忠武路2街 12-27 東洋大廈 2樓…地鐵4號線明洞站（명동역）9號出口或者10號出口，步行100公尺，在東洋大廈2樓
泡菜體驗⋯每人港幣$2xx，包韓服體驗及學整泡菜，課程完結後每人可以攞返自己整嘅泡菜返屋企，啲泡菜好唔好食⋯就無人知嗱。
完成品⋯可以帶返香港。
廣藏市場/中部市場
將啲泡菜放返喺酒店之後，我哋就出發去廣藏市場/中部市場睇吓有咩嘢好食同買。
本來想買啲蝦米返香港，不過發現啲蝦米連埋啲殼⋯而且肉好少，最後都係放棄左。
我哋喺呢間鋪頭買咗啲蝦醬返香港⋯要嚟整泡菜用。
清溪川。
我哋係呢檔食咗我哋嘅所謂午餐⋯包括有卷飯同辣炒年糕⋯都幾好味。
唔知賣啲咩⋯不過超多人排隊。
新沙洞
呢區啲嘢普遍會貴啲同高檔啲。
其實嚟新沙洞為咗嘜⋯咪為咗食甜品囉。
Sona
地址: 首爾市江南區江南大路162街40 (3號線新沙站8號出口)
呢間鋪頭嘅甜品係首爾都好出名，而且網絡上嘅排位都幾高，大家有興趣可以來試吓。
杯飲品同兩個甜品真係十分之好味⋯冇嚟錯。
食飽飽後喺周圍行左一陣。
晚餐嘅地方：
王妃家(明洞3號店)
首爾特殊市中區明洞8na街 45 2F
右邊是樂天LOTTE Market 999超市
鄭伊健同陳小春都有嚟呢間鋪頭食燒肉。
我哋叫咗個89,000韓圜嘅晚餐食，都幾多嘢食架：包括有韓國本地牛肉、豬腩肉、泡菜湯同米線。
啲韓牛⋯十分之好食，韓牛即係韓牛⋯真係零舍不同。
加埋啲紫蘇葉一齊食⋯我嘅至愛。
店小二⋯麻煩比多碟韓牛⋯唔該。
美味豬腩肉⋯Good。
簡直係超完美嘅一餐，只需89,000韓圜就已經食到⋯超級抵，喺香港冇千幾港幣你都唔使諗。
今個旅程嘅大部份收穫⋯不過好多都係幫人買。
呢個音樂盒首飾箱⋯係廣藏市場買只需38,000韓圜等於港幣$2xx⋯真係平到笑。
***Day 7 完***
沒有留言:
張貼留言