Day 5 東大門廣藏市場門 》弘大（Be Sweet On Dessert Cafe
& 食燒豬腩肉）》東大門玫塊花園
今個早上就食呢間la⋯咁多日之中佢算係最平，而且杯咖啡都唔錯⋯唔太甜，合哂我口味。
東大門：廣藏市場，韓國本土地道街市，日常用品、衣服鞋襪、熟食店舖咩都有⋯總之係種類繁多⋯應有盡有，而且價錢一d都唔貴，我地都買左小小野。
綠豆煎餅⋯好似幾好味，不過最後都冇食到⋯因為仲未肚餓。
好核突嘅血腸⋯唔敢試。
醬油蟹⋯雖然知道會好好味，但因為我地兩個嘅腸胃都唔係咁好⋯所以都冇諗過試吓。
轉眼之間⋯我地就嚟到梨大行街街，個人覺得⋯係韓國⋯梨大、弘大叫做最好行最多野睇、最多野買。
佢應該係'姆明'條女⋯但真係唔記得叫咩名？
梨大⋯等我走入去感受一下大學氣色，扮下超齡學生先⋯𠲖⋯前面嗰個咪係'都敏俊'教授。
扮完學生（係超哂齡嗰隻）⋯都有少少肚餓，搵食先⋯飯麵之類嘅食品暫時就唔好搞我，今餐嘅目標係⋯弘大嘅'Be Sweet On' dessert cafe，今個行程最期望嘅甜品店，希望唔會令我失望而回la。
大嘅係一壼熱嘅綠茶，而另一杯就係綠茶latte⋯兩杯都好好飲⋯好香綠茶味。
我地總共order 左三款甜品，第一款就係呢件栗子蛋糕配上朱古力雪糕，放入口之後我只得一個反應⋯就係O晒咀，真係太好味喇⋯同係日本食嘅甜品蛋糕一樣咁高水準，真係冇嚟錯。
第二款嚟嘅係凍嘅甜品⋯就係綠茶刨冰配上香甜紅豆再加上綠茶雪糕，旁邊伴上一件小小嘅綠茶蛋糕⋯所有items都好好好好味，完全冇失望。
最後嚟嘅第三款甜品係佢地鎮店之寶嘅招牌甜品⋯'tartetatin'，係一件用熱騰騰加酥脆嘅千層派皮相疊⋯中間夾著不甜不膩嘅卡士醬，上面淋上糖漬蘋果再加上雲呢拿雪糕⋯最後插上一片蘋果脆脆，真係一件好好味嘅藝術品⋯食落口冷同熱交錯，真係超級好好味，其他可以唔試⋯呢件唔食真係會終身遣憾。
肚仔超滿足後，我地繼續行街⋯睇下有冇收獲。
弘大創意市集⋯營業時間：星期六 下午1點~6點(遇雨天不開) 我地叧一個目的地係弘大創意市集，大家記住市集只開星期六下午⋯千奇唔好平日嚟呀。
今日晚餐⋯食燒豬腩肉，原本嘅目標餐廳係弘大站口附近⋯但行行下見到呢間叫做'401'嘅餐廳都幾多本地人食，仲要幾多人排隊⋯所以即刻轉會食呢間。
註：最重要呢間餐廳標明係用韓國本地豬，不過牛肉就用美國⋯由於我地只係想食豬腩肉，所以對我地冇咩影響。
好肥呀⋯豬腩肉，好似食緊自已⋯哈哈。
其實燒好嘅豬腩肉又唔係真係好肥，而佢地嘅豬肉真係好有豬肉味，你會問豬更係有豬肉味吖 la⋯唔通有牛肉味咩⋯死蠢⋯哈，但我地係香港食個d豬肉⋯大多數真係冇豬肉香味。
最後加多個泡菜冷麵⋯超滿足。
飯後⋯我地再次去東大門，唔係行街⋯目的係為左睇'LED玫塊花園'，見到後覺得有小小佢人昆左，佢個花園真係細到呢⋯大約只有百幾尺左右⋯一眼望哂，不過都幾靚嘅。
由於係星期六⋯有韓國男團表演，但我真係唔知佢地叫咩名。
靚。
行過見到幾靚⋯咪放埋入相機先，其實我都唔知呢座城池叫咩名。
返到酒店⋯就把呢幾日嘅戰利品來張大合照，滿足下先，其實最勁嘅戰利品唔係呢道⋯係機場先會見到⋯多好多，而家諗返起⋯都有小小心寒⋯救命呀。
好在當晚一覺瞓到大天光⋯冇發惡夢⋯哈。
～～ Day 5 完 ～～
