Day 2 南怡島 》燒海鮮（教育大學站)
出發去南怡島前⋯食返個出名嘅早餐先'Isaac'三文治，個人覺得要用2800KRW食呢件野就真係麻麻地值得，我情願比多少少錢去coffee shop正正經經食個包再加杯咖啡仲好。
註：可能係個人身體問題，就係呢件三文治搞到我肚仔痛⋯要中途係忘憂站落車去廁所解決。
買船飛去南怡島嘅counter，是日超多人加超多團。
到南怡島第一眼見到就係呢個牌坊。
由於紅葉期已過⋯紅葉已經鋪滿整個地下。
行左一陣⋯天開始落下綿綿細雨加上陣陣寒風，所以決定回程。
之後返左酒店整理一下就⋯走去食甜品醫肚。
目標：明洞Savoy Hotel 上面嘅'BEANSBINS' coffee 食waffle，原來件野好鬼大件，所以提意大家如果2條友食的話⋯一個就剛剛好，如果唔係就好似我同團友2號咁⋯食到死吓死吓⋯overload咁走，不過真係幾好味⋯值得一試。
食飽飽後就係明洞行左一圈⋯叫做幫助消化。
之後就去左教大站接受我地另一個挑戰，店名：'活火山'2小時任你食海鮮大大大餐，評語：平、靚、加超正⋯值得一食。
有一個T字頭旅遊網站都介紹過首爾有4大任食燒海鮮店舖,而其中一間就係佢。 http://travel.ulifestyle.com.hk/m/spots/theme/detail.php?id=ADgRYBEgA30
不過大家要記住教大站'活火山'總店嘅外貌並不是網站所提供嘅圖片一樣。註：以下圖片所顯示並不是教大站總店外貌。
註：正確嘅'活火山'教大總店外貌如下。
本人(笨人）就係根據網站所提供嘅地址加圖片係教大站搵左大半個鐘有多都找不到，最後要問附近店舖嘅阿豬媽教路才找到，所以大家要小心小心。
老闆講得一口流利英語⋯加上有中國員工，所以溝通係完全冇問題。
註：任食並不包括以下鮑魚⋯要另外加錢。
食飽飽後⋯諗住返酒店休息一下後到酒店附近行返轉。
誰不知返到酒店，就發生左一件恐怖加嘔心嘅事⋯就係廁所水山洪暴發，連水帶渣流哂出嚟⋯成間房變得臭崩崩，當時即刻通知服務台叫佢搵人上嚟處理,但果位員工⋯佢居然只係幫我地通返個屎塔，之後就比左幾條大毛巾我地⋯叫我地自己清潔廁所,大佬呀⋯我比錢你、住你間酒店、買你提供嘅服務，而家發生意外⋯你居然叫我自己清潔，有冇搞鬼錯，更何況成間房都已經一陣陣屎味（就算清潔完都一陣味la），點可以繼續係呢間房住多五晚，我地要求換房⋯佢只係答我地d房爆哂冇得換⋯之後就走左人。其實我地都試過清潔⋯但酒店嘅花灑頭根本就唔夠長丶水力又唔夠⋯根本冇可能,咁我就嬲嬲地再搵佢地上嚟⋯叫佢地示範比我地睇，我就做唔到喇，最後佢地冇辨法之下只好同我地換房，換左間比原來大一d同貴一d嘅房比我地，但都於事無補la, 搞左成個鐘⋯浪費哂d時間⋯冇得去行街街。
新房間⋯@-@
~~ Day 2 完 ~~
沒有留言:
張貼留言