上機前⋯食個早餐醫下個肚先，由於時間尚早(6:20am)⋯選擇唔多，只有McDonald's 叔叔可以幫到我⋯冇所謂⋯照食⋯唔食的話就要等到12點幾落機先有得食。
今次都係坐冇水飲航空公司⋯冇所謂⋯最重要係平、平、都係平 。
哈哈！過immigration 時⋯諗住偷偷地影張相⋯點知比人發現左，之後仲比個韓妹話左幾句 •_•
6015巴士⋯去明洞。
明洞New Oriental Hotel⋯整體嚟講算幾新淨同位置都方便，不過就⋯成間酒店都好似彌漫著一陣屎屎味⋯尤其係front desk 同電梯大堂就特別強烈，第二日我住個間房仲發生左件⋯恐怖事(之後再講）。
第一晚嘅房間⋯第二至第六晚就⋯哈哈！
放低行李之後就即刻走去大使館換返d KRW用下先。
係韓國嘅第一餐⋯拌飯，並唔係甚麼旅遊書推介嘅餐廳⋯只係換完錢行過覺得ok就入去食，不過都ok好味。
食飽飽⋯充滿力量後，就嚟返個考體力、考耐力嘅活動la...就係去天空花園睇日落（之後就後悔死），行那條長長嘅天梯後⋯剩返半條人命，不過上到去見到個靚景⋯又真係值得嘅。
離開嘅時候，天已經全黑⋯行長樓梯回去的話又實在大危機,所以就選擇坐高爾夫球車回程。
就係呢處買飛坐車仔。
消耗左咁多energy⋯當然要食返d好野醫下個肚仔先la 。
去馬場站⋯'龍門家'食韓牛，兩件友食左80000 KRW⋯都ok低。
見到婆婆個様就係'龍門家'。
人唔係太多。
d韓牛真係好好味⋯好有牛肉味。
不過生牛肉就咪搞、唔係我杯茶⋯只試左少少，其他就放埋落去燒。
食飽飽⋯滿足，就返酒店瞓覺覺豬。
~ ~ Day 1 完 ~~
沒有留言:
張貼留言