秋遊日本: 9月 2013

蕃薯秋遊北海道2013...道東10天自駕行(預備編)

北海道2013 道東10天自駕行 (17Oct - 26Oct)

咁快就過左一年喇，上年嘅北海道之旅...我同團友2號就去左道央玩左8日，（今年年頭我地又加左個白浜丶那智丶伊勢之旅...都幾好玩），今年嘅行程就主要去道東見識一下（今次玩足10Days)...出發。

行程篇

DAY 1             ( 17 Oct) 香港 > 新千歲機場 > (駕車去) 旭川

DAY 2             ( 18 Oct) 旭川 > (駕車去) 網走

DAY 3            ( 19 Oct) 網走 > (駕車去) 知床

DAY 4             ( 20 Oct) 知床 > (駕車去) 屈斜路湖 /摩周湖 /阿寒湖

DAY 5             ( 21 Oct) 阿寒湖 > (駕車去) 厚岸/釧路

DAY 6             ( 22 Oct) 釧路 > (駕車去) 帶廣

DAY 7             ( 23 Oct) 帶廣 > (駕車去) 扎榥

DAY 8             ( 24 Oct) 扎榥> (駕車去) 定山溪(摘生果) / 豐平峽

DAY 9             ( 25 Oct) 扎榥內shopping & shopping

DAY10            ( 26 Oct) 扎榥內 & outlet shopping …回香港

費用篇: (2人)

1.        EGL 套票連3晚酒店 Day7/8/9 (ホテルグレイスリー札幌)               HK$ 13448   ( 2人)

2.        Car ‘Toyota rent a car shinsapporo’(包HEP...8Days)                                     JP￥56300

3.        Hotel 經 "Jalan" book

Day 1 ... ホテルレオパレス旭川                                                       JP￥7500

Day 2 ... 北天の丘　あばしり湖鶴雅リゾート                               JP￥27000

Day 3 ... 世界自然遺産の宿　しれとこ村つくだ荘                       JP￥17080

Day 5 ... 釧路ロイヤルイン                                                             JP￥8100

Day 6 ... 天然温泉白樺の湯　ドーミーイン帯広                          JP￥7800

經 Hotel website book

Day 4 ... あかん湖鶴雅リゾートスパ鶴雅ウィングス                  JP￥43000

蕃薯關西(白浜那智勝浦伊勢)自駕遊 2013 (八)

DAY 8 難波 > 返香港

最後一日...行程只得一個，就係坐飛機返香港咁簡單... (angry)

好早好早，未夠六點就要起身...我地坐9點鬆d果班機 (waiting)

由酒店行去車站嘅時候，我地見到有兩個傻佬晨咁早走去玩跳河，而且當時嘅氣温只係得幾度...都幾凍吖，我地因為要趕飛機，所以冇八掛哂全個過程，只係睇見一個傻佬由橋上面跳落河，之後就係道大聲叫救命...叫佢個friend掉個水泡比佢，d日本on男真係好鬼痴線同搞笑... (laughing)

係機場等上飛機嘅時候... (hurry up!)

d飛機餐仍然都冇咩變到...都係好鬼難食，好心國泰搵人搞搞佢la，一係就轉為可以唔食餐做平d...咁咪仲好，at least 唔冼再難為d乘客吖... (crying)

Day 8...(完）

蕃薯關西(白浜那智勝浦伊勢)自駕遊 2013 (七)

DAY 7 梅田 >難波 (25 Feb 2013)

嚟到第7日...今日主要任務就係shopping 同再 shopping 喇

'Cross Hotel'...係一間唔錯嘅酒店，位置方便、而且又舒服...ok ok (applause)

我地今日第一個check point係黑門市場...雖然嚟過好多次，但每次嚟大阪點都要走返一轉、睇下有d咩又平又靚嘅好野買先叫做安心，今次只係買左少少野，不過都要把剛買回來嘅野放返酒店先ok... (hypnotized)

放低左d野返酒店之後，我地就坐車去梅田嘅Hep Five shopping喇，不過首先要食我地今日嘅第一餐，如果唔係邊會有力氣去血拼呀... (I don't want to see)

我地經過一間cake shop...見冇嘜人、d cake又好似幾ok,咪走左入去試下囉（其實係日本求鬼其入一間食店，d野食都唔會差得去邊la），嚇...意外驚喜，d cake幾鬼好味（香港d貴貴cake shop真係要行埋一邊先得la),下次再嚟大阪真係要再幫襯佢多一次...very好味 (angel)

Hep Five...掛住shopping 同 shopping，唔記得影相，我地都買左幾多野...大出血 (d'oh)

午餐...我地食左個算係幾平而且好好味嘅炸豬扒同炸大蝦套餐喇，食到飽飽...兩個人都係2400¥左右，好低呀、又好味 (rolling on the floor)

食完午飯...再行多一陣，我地就坐車返左酒店休息一下，見有少少時間...我地就幫所有嘅戰利品影一張大合照喇，（註：戰利品以食物佔大多數） (crying)

到左今個旅程最last嘅晚餐喇，話郅明係最後...更係要食好d同飲多d啦，每次嚟到大阪我地都會幫襯一次'燒肉一丁'食燒牛肉，點解...喜歡佢d野ok好食、喜歡佢唔係太貴、喜歡佢有間房仔比你（夠哂私人空間），叫左2個set再每人加多1200¥就可以任飲所有drink喇 ...埋單都係一萬¥ for 2條友仔，ok低啦，當然大家係可以選擇d比較貴嘅set嚟食，但對我地嚟講...野食唔冼太多，最緊要係有得任飲...有清酒、日本燒酒、啤酒同其它其它、最緊要有我地最like爆嘅梅酒，當晩我地嘅團友2號就飲到發酒瘋...係咁鬧人、鬧完鬆人、周圍搞事，真係失禮死人，冇面見人...超搞笑 (laughing)

飲飽食醉之後，返到酒店沖完涼之後，我就全力係道pack 好d行李...準備明早趕飛機，記住係得我一個...2號團友已經宿醉瞓著覺，真係舒服呀

Day 7...(完)

蕃薯關西(白浜那智勝浦伊勢)自駕遊 2013 (六)

DAY 6 伊勢 > (駕車) 松阪＞ Rinku Premium Outlet
> (還車）長堀橋 > 難波 (24 Feb 2013)

今日又係要好早起身，原因係今日嘅行程非常之忙碌...要去睇夫妻石、松阪城、又要去機場附近嘅outlet、之後再返downtown（長堀橋）還車，真係超busy ar... (hurry up!)

早餐都未食，我地兩個（傻佬傻婆）就走左去酒店附近...探望下今日第一個景點'夫妻石'，不過佢地都好客氣，見我地兩個未食早餐...係咁請我地食強勁嘅西北風（飽哂），真係多謝哂佢囉，行行下佢仲走嚟落埋雪...痴鬼線，所以提醒大家如果有機會到此一遊，就一定要著返件外套，如果唔係...好可能會比佢凍到你病病 (nail biting)

食西北風就假嘅，返到酒店就即刻走左去食早餐...d早餐好味就好味，不過就欠缺左一樣好重要嘅野...就係鮮奶喇，嚟日本玩...其中一個重要嘅任務就係飲哂佢地d牛奶（講笑），今日早餐冇得飲...點都會覺得周身有d古古怪怪咁 (angry)

食完早餐我地就即刻鬆人，同酒店d員工講聲bye-bye之後，我地就駕車去松阪城喇松阪城好鬼靜...可能唔係甚麼熱門嘅旅遊地點，所以冇咩人嚟呢道遊㰖，反而露宿者就有好幾個，仲好...少d人唔冼爭位置影相 (raised eyebrows)

離開松阪城...我地就要三千里長征返機場附近嘅outlet喇，中途站...道之駅'土山'，其實我地駕車途中已經發現有d高山地方仍然有雪落，嚟到呢個道之駅就更加係白濛濛一片，對於係香港生活嘅我地...一有機會見到雪呢樣野，就更係見一次玩一次la（之前幾次嚟日本玩咪見過囉,其實兩條友仔貪玩之嗎)... (rolling on the floor)

足足駕左4個半鐘頭車先到outlet，真係累鬼死我呀，其實我地都唔係有太多時間shopping,所以主要都係強攻兩間鋪頭...Beams同埋Edwin,由於冇嘜時間同只係掛住shopping，所以冇咩影相...至於我地個午餐，我地只係好鬼求其搵左間鋪頭食左個麻麻地嘅鰻魚飯就算喇... (sleepy)