蕃薯關西(白浜 那智勝浦 伊勢)自駕遊 2013 (五)

DAY 5  那智勝浦 > (駕車) 伊勢 (23 Feb 2013)

今日已經係第5日，時間真係過得好快...

一早起身...遠望對岸嘅'中之鳥'，好靚同好寧靜，可能我咁遠嚟到呢道...只係為左享受呢一刻心靈上嘅安寧同平和...好舒服呀，之後我就走去浸返個靚溫泉...



浸完溫泉更係食返個早餐la...其實最重要係可以飲多幾杯鮮奶，浸完溫泉之後最好飲d嘜...哈哈...係鮮奶或者啤酒la...

搞定哂d行李...係時候同'越之湯'講聲再見喇...

今日首個行程係伊勢外宮...無嘜特別，行左一個圈叫做到此一遊就算數喇...

今日嘅重點check point係伊勢內宮同佢出面嘅市集...

踏入巿集第一眼見到嘅...係伊勢好出名嘅'赤福'喇，排隊買手信條龍都好長吖，不過我就覺得d野食只係ok je,當然難得嚟到更係要試下吖la...

 

由市集行去伊勢內宮路程唔長，但須時都幾耐，原因係太多店鋪太多野睇同太多野食，有好多野都好想試下，但我地都係決定行完伊勢內宮出返嚟...先繼續食同買，因為驚太晩內宮會close同唔夠時間行...不過中途都試左幾種當地嘅小食...

內宮裏面真係好多人，去到內宮盡頭就更加多人，佢地好似係道排隊入去寺廟裏面祈福...

出返去市集更係繼續shopping 同eating la，超低吖...一仟¥咁大包伊勢綠茶...

行行下比我地見到燒蠔同燒赤貝，更係即刻走去排隊買嚟試下la，超多人排隊...不過都值得試下嘅，而且都ok好味（赤貝好味d）...

食完燒蠔之後我地就係周圍行左一陣...好relax，呢個地方好值得嚟玩一次，好難得可以搵到個地方，可以比我感受一下日本人平日嘅生活...行下市集買下平野食下小食，十分之好...

係市集行到差不多天黑，我地就駕車離開...去我地今晚住嘅酒店'浜子代館'...2人包早晚餐大約28000¥，不過我就覺得呢間酒店只係ok je...可能係間房冇view（對住d屋）丶亦都可能係間酒店只得大浴場（並不是風呂），所以扣左d分數...

例行公事...食飯之前更係浸個溫泉先la,不過呢道只係得大浴場...而且仲要係好細同比較舊d，不過冇所謂la,之前幾日我都浸到飽哂...

晩餐就ok喇...我地今晚有龍蝦sashimi丶鯛魚魚生丶鮑魚燒同燒牛肉食（不過d鮑魚比我地燒到過左火...哈哈，有小小浪費左）、仲有好多海鮮食，真係食到超超超滿足ar...

食完晚飯...我地就走左去海邊行左一陣當做下運動，四周圍真係好寧靜好舒服...人都唔多個，就算連鬼影都唔多隻：（

 

行完返酒店...我地就pack下行李（因今日係市集裏面買左好多手信），之後轉頭就走左去瞓喇

 

Day 5... (完） 

 伊勢外宮 MC 118519893*38

伊勢內宮 MC 118432133*51