秋遊日本: 蕃薯秋遊北海道2012...道央自駕之旅(四)

DAY 4 (24 OCT 2012)

富良野 > 美瑛 ( 四季彩之丘 > 青之池 > 白金溫泉鄉 > 水澤水庫 > 北西之丘 > Ken & Mary > 阿斗夢之丘 > Mild Seven之丘 > 美瑛駅)

(winking)

一早起床...打算走去浸下佢個細細露天溫泉，誰不知由房內望出窗外嘅第一個反應就係...有冇搞錯呀'咁大雪...連我地嘅團友3號都唔見左喇'，真係超搞笑... (tongue)

中間嗰架就係團友3號喇，係地下大門望出去at least都望到架車吖，係房裏面..哈哈就只得一堆雪，check out出車走嘅時候仲麻鬼煩，首先要清哂車頂及玻璃上面嘅積雪，之後仲要先run個engine半個鐘先搞得定，大project 嚟吖... (at wits' end)

浸完溫泉之後，更係早餐時段la...雖然係民宿，食物嘅款式及味道都ok吖...咖哩飯都有得食，團友2號最欣賞嘅返而係佢地D麵包...佢足足食左4，5，6，7，8個咁多...

就係呢D麵包仔喇，加牛油果醬十分之好味...

四季彩之丘...因太陽伯伯是日偷懶，所以冇嘜陽光，連D花花都冇嚟神氣...半凋謝狀態，遊人只係得小貓3幾隻... (tongue)

青之池...人氣就多返D,不過因落雨嘅關係，滿地都係泥濘,搞到對鞋都污穢哂，講返青之池，都係因落雨嘅問題,所以今日就冇平日咁青綠色...

睇完青之池...再向裡面行多幾分鐘,就見到D咁靚嘅地方,滿山都係紅葉...超靚... (love struck)

白金溫泉鄉...出發之前睇過師兄師姐嘅D BLOG,𥚃面見到呢道好鬼靚,所以特登駕車嚟睇下...不枉此行 (applause)

水澤水庫...激死，駕車嚟到先知佢係一個冇水嘅水庫...乾哂塘 (crying)

北西之丘...呢道都幾凍ar...人唔多，如果冇落雨嘅話...我諗應該會仲靚靚...yet

Ken & Mary...路過見到，更係唔好放過佢喇...放入相薄先

Mild Seven之丘...冇特登駕車搵呢個地方...去另一個景點嘅時候見到，即刻係車上面影嘅，都幾有feel吖...哈哈

阿斗夢之丘...嚟到呢道見到好多公公婆婆，平日應該好多旅行團嚟嘅地方...商業味好重...唔咪咁鐘意

美瑛駅...一個好靚嘅車站,周圍嘅環境及住居好靚,真係好靚...比人嘅感覺好relax好舒服，會比人有一種退左休想係道過埋下半世嘅地方...有機會好想再嚟一次...再feel一下呢處給人嘅感覺...

午餐...拉麵兩碗，好好味 (silly)

我地今晩住嘅民宿...美瑛: オーベルジュアダージオ(緩慢民宿），係全個trip第2貴嘅住宿（¥27000／2人），台灣人開嘅...所以入面全部員工都係講國語，有小小好似去左台灣咁，都幾搞笑吖，不過服務真係幾好...如果可以加返一兩個日本員工及加建一個日式露天溫泉更就very good喇，總括嚟講間民宿比人嘅感覺係ok嘅，無論佢嘅裝修及佈置都比倒人一種好relax好舒服好緩慢感覺...進入民宿嘅住客好自然就會放慢腳步跟隨一下佢嘅步伐...