DAY
4 (20 Oct) 知床
> (駕車去) 屈斜路湖 /摩周湖 /阿寒湖
同昨天一樣，今日又要勁早早早起身...因為實在有太多行程要去喇,首先當然係浸返個morning溫泉先la...醒醒晨吖ma!
是日早餐並不是食buffet,而係食set嘅breakfast...雖然好簡單，但都ok好味嘅！
知床觀光船...今日要咁早起身嘅主要原因就係為左佢喇，我地要坐8：15分嗰班船，如果趕唔切呢班船咁就大鑊，下班船要去到10：30分先至會開...如果坐呢班就真係超級大鑊了，之後嘅行程唔係要cancel就係要濃縮再濃縮喇，咁就閉家火！
整個行程都ok靚嘅，而且走嘅時候仲有一班朋友仔唔想我地離開...佢地咪就海鷗哥哥姐姐囉，成日跟住我地坐嗰隻遊覽船問d乘客攞野食，嘜d海鷗轉行唔做漁夫咩...淨係識坐定定係道等人餵咩，真係冇吉士！
摩周湖第三展望台…果然係傳說中嘅神秘之摩周湖，當日嘅天氣都叫做天朗氣清吖，唔知點解當我地一去到摩周湖展望台嘅時候，四周圍就變得灰沉沉，好似有一陣薄霧包圍住佢咁...你永遠都睇唔清佢個真面貌！
渡边先生體驗牧場...每人¥1700...多謝哂，你可以餵下牛牛、坐拖拉車遊牧埸、嘗試下擠下牛奶、最後佢仲會有杯奶奶比你試下味...就係咁多！
評語：唔係咁化算、而且只係一般好玩，叫做嚟過體驗下就算喇...no next time la!
琉黃山…超勁琉黃味，蛇仔蛇女千萬唔好嚟呢道...會冇命吖！至於嗰d噴煙位，開頭我以為佢會好熱，其實一d都唔熱...佢最大嘅殺傷力只係會令到妳d眼鏡濛查查...暫時睇野唔清楚！
沙湯…好普通嘅一個景點，冇咩特別，逗留左一陣、影左兩張相就離開左喇！
美幌峠…好凍好凍，不過可以望住整個屈斜路湖都係值得嘅，因為真係好靚好靚。
あかん湖鶴雅リゾートスパ鶴雅ウィングス...我地今晚住嘅酒店（直接係酒店嘅website book嘅），亦係今個旅程最貴最貴嘅一晚酒店，點解咁貴...
原因係房裡面有私人溫泉囉、而且食嘅晚餐亦都係幾好嘅，所以就值反咁上下價錢啦。
晚餐嘅地方，雖然冇房仔坐、冇咩私隱度，但佢d晚餐實在真係ok好味、而且種類多...值回票價啦！尤其是佢嗰隻長蟹腳，真係長過我嘅前手臂，而且好鬼新鮮好好味呀，食到中段時間...仲有 main course 比你𢵧，我地要左大蝦蝦同黑豚...離哂普...又係好好味，真係超級超值！
瞓覺之前，我地就走左去酒店出面嘅溫泉街行下，不過就有小小失望...原因係所有嘅店舖賣嘅野都係一摸一樣，你只要行一間就等於行哂所有嘅鋪頭...小小失望！
瞓覺之前更係浸返個私人風呂先la...超舒服。
Day 4...完...
住宿: 阿寒湖 あかん湖鶴雅リゾートスパ鶴雅ウィングス
知床觀光船…(Tel:0152-24-2147) http://www.ms-aurora.com/shiretoko/index.html渡边先生體驗牧場 http://www5.ocn.ne.jp/~wataiken/
- 摩周湖第三展望台…(MC 613 870 658)
- 沙湯…(MC 638 148 559)
- 美幌峠…(MC 638 225 400/456/486*03)
