同昨天一樣，今日要好早早早起身，原因...當然係為左浸返個morning溫泉啦，浸完溫泉之後...返到房，我就嘗試下磨咖啡豆...打算沖返杯靚靚咖啡比自己enjoy下，味道都算ok嘅，不過...都係落餐廳飲好d。
其實呢間酒店真係好大好靚、而且有好多設施供住客使用，我地唔係咁多地方要去嘅話，呢間酒店真係夠哂你消磨一整天...唔會悶！
食早餐嘅地方係一樓，間餐廳都幾大下...不過人亦都好多...哈哈！
至於食物方面...種類好多、亦都好好味，有我like爆嘅三文魚子同溫泉蛋...加落d白飯道搞混嚟食，真係一流好味，重有佢d牛奶...一支支好鬼得意，我差不多都飲左佢6至7支咁多。
北浜駅…最吸引我嘅並唔係貼滿post sheet同photo嘅北浜駅木屋，而係佢對往一個...一望無際嘅大海，好靚！
小清水原生花園…唔係季節，所以冇花可以比人欣賞...得一片佈滿乾草嘅平原，對我嚟講叫做到此一遊、影返張相留為記念就算。
遠音別橋…我而家知道點解d日本人唔係咁鐘意食三文魚喇，一來係d三文魚太多寄生蟲、二來就係d魚魚太容易捉到喇，太容易得到嘅野、人係唔會識得珍惜嘅。
當d三文魚遊到呢道嘅時候都已經得返半條魚命、無力反抗...任人捕捉！
オシンコシンの滝…唔多鐘意呢道，太多旅行團、太多講中文嘅人...好似返左大陸咁，所有人都係道爭位影相，如果你好有禮貌咁等位影相...係你自己on居，係呢道係冇禮貌可言...見有位就行埋去影就ok吖喇。
去知床五湖途中嘅...靚靚景色！
知床五湖…都唔知係好彩定唔好彩，當日嘅地上步行徑居然有開放比d遊人...奇蹟啊！知情人仕都會知道...知床五湖嘅地上步行徑大多數嘅時間都會因為安全理由，有熊出沒而關閉，通常只會開放架空步行徑比人行下、影下相，所以連當日係教室裏面嘅導師都不停咁話我地lucky...哈哈！不過對我地嚟講就語係咁lucky喇，原因係我地行完出返嚟之後...得返半條人命，超累啊！不過真係好靚...好靚！
知床峠...望住一座...好似佈滿一層層糖霜嘅大雪山，感覺上佢好似一件蛋糕，好想用支叉吉落去食...應該幾好味嘅！
夕陽台…見有時間就過嚟走走，不過就麻麻地靚！
世界自然遺産の宿 しれとこ村つくだ荘...今晚住嘅地方，勝在夠平，而且d晚餐嘅評分係網上都算ok高，所以就選左佢喇！
食完晚飯...我就走左去浸返個溫泉先覺覺豬...!!!
是日特發事件追擊：架車比人撞凹左道門
團友3號(Ractis)係知床五湖嘅停車場唔知幾時、唔知比嘜水撞凹左道車門，揾唔到兇手...超激死＞_＜!
Day 3...完...
住宿: 知床 "Jalan" 預訂世界自然遺産の宿 しれとこ村つくだ荘
l オシンコシンの滝…(MC 894 727 230*26/894 727 227/894
727 262)
l 知床五湖…(MC 757 729 590*35/757 730 275/ 757 731 436停車場)
l 知床峠…(MC 757 493 279*12/757 493 182/757 493 212/757 493 182停車場)
l 夕陽台…(MC 757 540 497*86/757 540 495/757
540 339/757 540 282
附近停車)
l 知床五湖…(MC 757 729 590*35/757 730 275/ 757 731 436停車場)
l 知床峠…(MC 757 493 279*12/757 493 182/757 493 212/757 493 182停車場)
沒有留言:
張貼留言