DAY 2 (18
Oct) 旭川 > (駕車去) 網走
今日要勁早起身...5：30am...哈哈...勁！原因...由旭川駕車到網走大約要4個鐘頭多d，所以要早d起身pack定哂d行李，咁咪可以食完早餐之後...隨時出發囉，如果唔係...再遲d起錨，去到網走已經好夜...太陽伯伯可能返左屋企...休息休息喇！
講返早餐...呢間酒店都算OK㗎，都幾多選擇。
駕車去網走...途中嘅靚靚景色。
朝日之丘展望台...如果夏天嚟呢道會好靚㗎，開滿一地都係太陽花，不過今日就...(•_•)... 。
係香港失蹤左好耐嘅'蒲公英'...（蒲公英嘅生長條件...一定要係空氣好清新、d土壤冇汚染、好乾淨嘅地方）。
道之駅...係朝日之丘隔離,所以咪順路過嚟睇下。
住宿: 網走 "Jalan" 預訂北天の丘 あばしり湖鶴雅リゾート
道之駅...係朝日之丘隔離,所以咪順路過嚟睇下。
能取岬...好大好曠闊嘅地方，面對一望無際嘅大海洋...加上踏上去好似地毯嘅草地，好鬼舒服，真心嗰句...我真係好耐好耐都未聞過由草滲出嚟嘅草香味喇，係香港嗰d草地...唔係丁屎咁細、就係有一陣陣狗屎味...行過都要按住個鼻la。
取湖サンゴ草群落地…唔係季節，所以只得少少紅，不過都OK靚嘅。
喜多山駐車場...睇網走湖嘅全貌，呢個地方...我係睇日本嗰d 旅遊website 介紹嘅。
網走監獄博物館...呢道比我嘅感覺真係麻麻地，由其是佢嗰d仿真度極高嘅公仔...好恐怖，仿怱係博物館關門之後...佢地真係好似識郁咁...週圍咁走，救命呀！
網走觀光果園（觀光フルーツ園）…由於天氣開始好凍，所以冇咩生果可以比人選擇，得返蘋果同西梅，咁我地只好選擇左西梅，原因係...會食得比蘋果多一d囉。
多謝每人盛惠¥600，40分鐘任你摘任你食，d西梅真係好鬼大粒，不過都唔會食得好多...我同團友2號加埋都係食左十一粒左右，不過個婆婆就好好人...係我地離開嘅時候，佢免費比左幾粒我地帶走。
天都山的オホーツク流氷舘...嚟呢道嘅主要目的並不是要體驗嚴寒或者觸摸流冰，我地嘅目的就係...佢個天都山展望台，係呢道可以俯望整個網走湖、係日落嘅時候望住個網走湖...真係好靚、我諗我永遠都會記住嗰一刻...。
北天の丘 あばしり湖鶴雅リゾート...我地今晚住嘅酒店，評語...酒店好大、房間好靚、d溫泉多選擇同好舒服、員工服務OK、d野好好好食，一句講哂...住到唔捨得走。
¥27300 for 兩條友...真係物超所值，超低呀！
是日晚餐嘅地方...我地要上2樓食，原因係我地係食set dinner、唔係buffer (個人經驗...有得選擇的話，我係唔會食buffer嘅...原因係set嗰d野食係會好食好多好多，份量又足夠），而且有房坐...私人空間足夠，總之係very good good 啦。
d蟹真係好好味...good!
食完晚飯...我同團友2號就走左去酒店外面嗰座火炎塔浸腳...都幾舒服同好玩。
臭腳兩對....哈哈！
最搞笑係...係呢道你想飲咖啡嘅話，係要自己磨咖啡豆，再用佢嗰部咖啡機先有得飲...真係O哂嘴。
之後更係走去浸一浸佢嗰d溫泉先至會瞓覺la...真係人生一大樂事。
是日特發事件追擊：差點撞凹架車
係十字路口轉右時，因偷位唔夠...引至右邊車身衝上分隔十字路嘅石膊，引發巨響，差d high花架車...嚇鬼死我！
Day 2...完...
住宿: 網走 "Jalan" 預訂北天の丘 あばしり湖鶴雅リゾート
沒有留言:
張貼留言