正所謂平價嘅旅遊package，更係有D野要犧牲吖喇...今次就係寶貴嘅瞓覺時間，飛機原定零晨1：50分departure...不過邊有咁順利吖，我地坐嗰架CX飛機一出到去起飛嗰條跑道，機內就響起cabin即係機長嘅廣播...內容就係話飛機因為某個原因須要維修及更換零件，須時大約兩個鐘，嗰一刻真係比佢激死、真係頂x個肺...無段百事搞到我地無左兩粒鐘去玩，成班人又囚哂係架飛機入面唔落得機，飛機上面D空氣又差、而且又好鬼焗、瞓又瞓唔著，又冇嘜野好做...D空姐淨係識得say sorry，最多咪提早派歺比D乘客囉...仲要得蛋糕仔、三文治、salad咁嘅迷你歺盒仔，食又唔係、瞓又唔係，on居居坐多兩粒鐘...超激氣
原定早上6：15分到達關西空港嘅飛機，要delay到8：30分先到達...＞_＜,冇左兩粒鐘有多，快D還返比我吖...冇可能，死心啦。
係機場我地唔理三七二十一即刻走去買左兩套南海電鐵嘅套票（包一程去難波嘅電鐵及一程由難波去任何地方嘅地鐵票），去到難波站...搵嗰間死鬼酒店都搞左我十幾二十分鐘，點解...因為係條大街上面...係見唔到間酒店嘅招牌，佢比d building block鬼住哂，其實就係棟puma building後面...激死，去到酒店即刻放底哂D行李...同埋係counter 攞返我地係網上book 嘅b mobile卡就即刻鬆人去京都玩...
去車站途中...更係要食少少野頂住肚先啦，而頂肚嘅話更係要幫親一蘭拉麵啦，事關我每次食佢都到喉唔到肺...永遠都唔飽，最好要嚟頂下肚仔吖喇...
京都街頭...今日天氣麻麻，整日都好似想落雨咁、又凍又好鬼大風...
行左一陣間...我地就走左去食京都嘅名物喇...就係'松乃'鰻魚飯，上兩次嚟京都都未食過佢，今次終於有機會試下...比預期中嘅好味，算ok la...不過就貴左少少，上兩次嚟京都冇試過佢...原因多數都係時間唔夾或者佢實在太貴喇...
食飽飽後，我地就坐車去左伏見稻荷大社，今日呢道都算多遊人，幾熱鬧...
之後我地就坐車去左錦市場行下街市，不過可能已經接近傍晚...好多鋪頭都close左或者準備關門，行左一陣就走左出去河原町行街街...最後見冇嘜收穫就離開左。
晚歺就返去難波千日前食sushi...好味好好味啊,食到超滿足都係港幣$200左右...
第一日邊有咁簡單就完結吖，更係要加埋我地每次嚟大阪都必吃嘅蛋糕及布丁先叫完美la...RIKURO'S
Day 1...完
第一日邊有咁簡單就完結吖，更係要加埋我地每次嚟大阪都必吃嘅蛋糕及布丁先叫完美la...RIKURO'S
Day 1...完
沒有留言:
張貼留言