秋遊日本: 蕃薯關西(白浜那智勝浦伊勢)自駕遊 2013 (三)

Day 3 難波 > 長堀橋攞車（開始自駕之旅）>
八尾市 Grandberry 摘士多啤梨＞白浜(21Feb 2013)

第三日...晨咁早就起身，一條友仔行左十幾分鐘去到長堀橋駅嘅Toyota rent a car攞車，今次租嘅車同上次係北海道嘅一樣...都係'Ractis',不過今次呢架就舊左少少，搞定哂所有手續之後...就即刻開車返酒店接賣團友2號la...慢慢嚟,不過最緊要快... (laughing)

呢架就係今次租嘅car car...團友3號 (applause)

今日第一個重頭戲...就係去八尾市嘅Grandberry摘好好味嘅士多啤梨喇，我同團友2號為左呢個節目...連早餐都唔食，目的只有一個..限時30分鐘內食最多同最大粒嘅士多啤梨，呢個任務嘅代價就係每人盛惠1600¥ ，所以食多D先可以補嘗返我地嘅支出，抱注呢個心態...我地更係用盡哂我地戰鬥力去食食食la,最後我地更係唔會蝕底，正所謂香港精神、食左鬆人...真係賺到佢盡，而且真係好鬼好味...嘻嘻， (love struck)

呢道係駕車去白浜途中嘅道之駅'紀之川'
去左個廁所，飲左支milk milk,買左少少手信之後又再次起程... (cool)

係關西駕車相比起係北海道...我覺得會比較辛苦d同要小心一D，原因係關西d路狹好多，好多時候都係單程路，就算你行highway都係一樣（多數都係單程路），如果你行慢小小...後面d車就會不斷咁推你行快d，而且佢地嘅駕駛態度要比北海道d人狼死好多...所以都幾攞命 (I don't want to see)

Lunch嘅目的地'Tore Tore魚市場'，原本我地係打算嚟呢道食佢嘅美味BBQ海鮮大餐，但嚟到先發現佢個燒烤區要維修...暫停使用，超激死，我地由十萬九千里（誇張d）咁遠嘅香港嚟到呢道幫嚫妳...妳居然咁狠心走嚟維修，好唔好意思呀... (angry)

以下嘅魚生就係我地嘅lunch喇...好失望地由BBQ海鮮大餐變成sashimi大餐，不過d魚生都幾新鮮嘅，只係咁遠駕車來到呢道，一心係想enjoy下BBQ樂趣，最後冇得食...點都有少少失望嘅，人真係好鬼得意，由細到大...成日都係冇個樣就好想要個樣...

食飽左，我地就係market裏面shopping下先，可能d野嘅價錢都幾合理下，所以我地都買左幾多野下...good (thumbs up)

唔冼多介紹...張相已經話左比大家知呢道係'千畳敷'，真係好大風，成個人都比d強風吹到東歪西倒...企唔穩 (devil)

三段壁...呢道有樣野都幾令我唔鐘意，就係呢道car park要比500¥先(係car park傍邊個間手信店收嘅），當然如果你係佢間店鋪內購物滿2000¥就會退返500¥比你地，但係始終都覺得有少少怪怪地，原因係我嘅字典裏面...呢種情況只會發生係中國或印度呢d發展中嘅國家，係日本見到,真係有少少對日本呢個地方扣左少少分... (surprise)