扎榥(攞車）＞ 苫小牧港嘅 マルトマ食堂
＞登別
唔想食酒店內嘅早餐,加上之前有留意師兄師姐D blog有提及此酒店嘅早餐時段十分之多人，最後唔想同D人逼及爭野食，所以前一晩買飯盒嘅時候已經買定今日嘅早餐喇...各位觀眾...又係飯團
(其實係幾好食吖)，加上又可以try下其他口味嘅北海道牛奶，何樂而不為呢...
食完早餐...就趕快pack好D行李去7樓check out，之後就行過幾條街嘅京王酒店搵Toyota rent a car shinsapporo間鋪接賣我地嘅團友3號喇...佢就係團友3號...Ractis(新型號而且好鬼死新淨）...very good，絕對係我杯茶
...
有團友3號係道，我地即刻開左2個鐘頭車去到苫小牧港嘅 マルトマ食堂 ，好在晨早飛車嚟，所以唔冼等位，再遲半個鐘就要係出面排隊食住西北風先...D海膽同赤貝真係好鬼死新鮮，新鮮嘅野自然就會好食吖喇...
填飽左個肚仔之後,我地就開車去下一個景點（因第一次係日本自駕，所以都會開得慢慢地，要習慣下先，係高速公路大約都係keep住100-120m左右.係downtown仲搞笑...限速50m），開左2個鐘頭車（中途當然有停道之駛休息啦），就到左登別嘅地獄谷,就係呢個時間開始...個天開始變喇，變得天陰陰、不過仲未有雨朦朦...之後個幾日就慘囉，個天就好似要同我作對咁，連續幾日都係咁落雨...有時仲會好大雨先...
最搞鬼就係唔止落雨咁簡單...遲D先講...
地獄谷
行完地獄谷,再向山上行多十幾分鐘，就到左大湯沼....其實附近仲有好多景點行，不過團友2號已經好鬼累了，所以決定打道回酒店check in...不過神奇及驚喜嘅2件事就係呢個時間開始發生第一件喇...magic
呢間就係我地今晚住嘅酒店喇... ホテルまほろば
第一個神奇及驚喜嘅事件...就係呢間酒店發生...可能最近佢地少左D旅客嚟玩（特別係內地人），所以check in counter D人就upgrade我地間房喇...由8疊日式細細房變成..哈哈..有私人風呂、2張大牀及2個大廳嘅大大套房...真係開心到死...全部只須JP¥28000／2人(包早晚餐)...
晚餐更係食我地嘅至愛la...和牛及3大蟹餐，好多野食...酒店餐廳仲要比左間房我地...有哂私人空間...一流
以下嘅食物款式及數量只係一部份...未能盡錄，D蟹好好食，和牛就ok ge（唔係唔好食，只係有得比較，自然就有分別吖la)...因為明晚係富良野個D和牛更加好食...不過呢個晚餐己經超滿足...超開心喇...
食完飯後...休息一下，更係享受下溫泉la...首先enjoy下房間入面個私人風呂...ok la,不過就唔多夠熱，一個當然未能滿足我呢個溫泉精la...難得嚟到更係要嘗試下佢大浴場la，呢間酒店total有兩個大浴場，一個係室內(地下個層），另一個係露天(7樓個層），當然更係試左個露天先la,留返個室內明早享受...哈哈
苫小牧 マルトマ食堂 電話: 0144-36-2023 (MC 113 164 226)地獄谷, 電話0143-84-3311 (MC 603 288 405/603 287 205)熊牧場, 電話 0143-84-2225 (MC 603 257 802)登别マリパ-クニクスNixe, 電話0143-83-3800 (MC 603 142 220)大湯沼足湯,由地獄谷步行約15 min
Day 2...(完)
沒有留言:
張貼留言