Day 3 秘菀&昌德宮 》弘大 （食豬手）》東大門 Home Plus 超市
早上嘅明洞⋯少遊人、寜靜。
今日就選擇左呢間DONUTS店食早餐。
味道ok⋯不過就貴左dd。
今日時間充裕⋯所以就決定由明洞行去'秘苑'同'昌德宮'，順便行下街當做運動。
交接儀式ing。
'秘苑'&'昌德宮'附近嘅購物大街。
尚未到'秘苑'嘅預約時間12:30pm，所以就決定食左午飯先。
我地見呢間餐廳都幾多當地人光顧，冇謂再週圍搵⋯就佢la，還好⋯味道唔錯。
秘苑&昌德宮⋯安國站3號Exit…首爾市鍾路區臥龍洞栗谷路 99號
秘苑⋯要係網上提早預約⋯之後就嚟呢道比錢攞飛。
道遊姐姐⋯唔靚⋯失望⋯還我女神'全脂奶'。
秘苑仲有少少紅葉⋯尾期⋯好過冇。
到'秘苑'見識見識⋯要有心理準備，因為會有幾多斜路要行上行落⋯辛苦。
銀杏樹⋯好靚、好似仙境咁。
要行完全程⋯'秘苑'同'昌德宮'，快極都要個半至2個鐘左右。
之後我地就去左弘大行街街⋯食晚飯。
晚飯嘅地方⋯今晚食豬手，可以增加骨膠原⋯咁咪會靚靚囉。
蒜蓉大豬手⋯開頭食都ok好味⋯但之後呢⋯就覺得太過油膩、實在太多多多肉喇。
飯後⋯我地都覺得今晚嘅晚餐實在太邪惡、太多肉、超哂標，所以都同意要搵d野勞動下⋯消㲖下卡路里，所以決定去東大門 Home Plus血拼⋯做下咕喱搬下貨，講真韓國超市d貨真係好平、超多野買。
正所謂買就興奮⋯但⋯之後把d戰利品攞返酒店就知味道，攞到我成隻蟹咁。
~~ Day 3 完 ~~
沒有留言:
張貼留言