第六日⋯同昨天早餐同一間coffee shop，原因⋯咪就係平、靚、正囉，兩份早餐包香濃咖啡只係大約港幣$65左右。
新沙洞⋯係一個賣高檔名牌貨嘅地方，其實係香港都有呢d牌子，雖然係平d，但對我地嚟講⋯真係冇咩吸引力。
Line 超大型公仔⋯有2個半人咁高。
Dore Dore咖啡店：其實嚟新沙洞嘅另一個目的係為左佢，不過就真係超級失望，我懷疑CCTVB收左佢好多錢，如果唔係⋯又點會每個去韓國嘅旅遊節目都有介紹佢，話d蛋糕有幾特別幾好味⋯介紹到好似天上有地下無，比我介紹⋯我會話佢係韓國十大最難食食品嘅第一位，都會係另一個卓頭嚟。
就係呢件彩虹蛋糕⋯簡直係難食到震，每個color嘅蛋糕層都係同一種味道，完全食唔出有咩分別⋯仲要係好鬼硬淨⋯一d都唔軟熟，個杯雪糕仲衰過七仔 or Mac記的軟雪糕，而最離譜係嗰杯 caramel macchiato⋯係超甜，對我呢個咖啡精嚟講⋯我都未試過有咖啡飲唔哂。
係Dore Dore受完苦之後，見冇咩搞作⋯就走左去東大門行商埸，唔行唔知⋯原來韓國d商埸咁吊詭、咁搞笑。
嗱⋯你睇⋯似唔似大陸嗰d舖頭，最恐怖係佢地賣好多翻版貨⋯仲要係肆無忌憚咁賣，完全無版權唧意識。
不過都有好多賣韓國設計同制造嘅衣服⋯如果係女仔人家嚟呢道買衫返工的話⋯我諗都應該幾開心嘅。
行完東大門⋯我地就返左明洞搵食。
最後都係選擇左食多次燒韓牛⋯因為實在太好味，如果今餐唔食⋯都唔知要等幾時先有機會再嚟韓國食。
可能落雨⋯亦可能係星期日晚⋯人人都留返係屋企早d瞓星期一返工，所以餐廳冇咩人光顧。
牛舌⋯好味⋯不過如果係厚切的話就更加好喇。
橫膈膜肉更加好味⋯好有牛肉香味。
後加嚟多碟牛頸脊肉⋯good。
埋單找數都只係68000krw⋯真係超平，比錢時我都發覺條數點解咁細嘅、好似有問題⋯但佢都show埋個電腦比我睇話係呢個價錢⋯我就信佢吖 la，大佬⋯而家比預計平左喎⋯唔通走去閙人做咩咁平咩，之後才發覺餐廳應該計少左一碟後加嘅牛頸脊肉⋯大約28000krw，我只好係遠處同老闆講聲⋯多謝哂。
返酒店前去左便利店買水⋯順便買埋呢支野試下，因為見好多香港人係超市瘋狂地掃貨⋯所以都想試下咩味道，原來係大支香蕉牛奶⋯好味。
之後就大覺瞓。
～～ Day 6 完 ～～
沒有留言:
張貼留言