Day 2(24 Oct 2017) 南大門 》弘大 》南山塔
早餐⋯當然要嘆番杯咖啡先啦。
兩份早餐大約11,000韓圜左右⋯算係OK抵食⋯味道都唔錯。
早餐後⋯我哋直接由明洞行咗去南大門⋯行下街睇吓野先。
當地人食午飯。
係呢間舖⋯我哋買咗一包辣椒粉用嚟整泡菜，好似要一萬韓圜左右。
之後就轉戰'弘大'⋯年青人嘅聚腳地（註：我哋唔係年青人）。
去得'弘大'⋯當然要去上次係韓國食完之後對佢仍然念念不忘嘅甜品店啦 'Be Sweet On'。
可能係第二次食⋯總係覺得冇第一次咁好味⋯哈⋯呢啲咪叫做心理作用囉。
食完甜品之後就係周圍行左一陣⋯消化下⋯亦都係為晚餐準備一下先。
晚餐
'조선 화로구이 朝鮮烤肉'
地址：麻浦區西橋洞351-18
路線：弘大站1號出口出往合井方向直行 營業時間：11:00~03:00
超多韓星都有嚟呢間燒肉店幫襯，原因可能係呢間燒肉店賣嘅豬同牛都係韓國本地貨⋯加上又好味，唔同其他燒肉店咁⋯好似姜x東及哈x嗰間401⋯豬肉就用韓國豬⋯但d牛肉呢⋯就係用澳洲或美國牛。
阿Bob同魔術師都有嚟呢間野食牛牛。
我哋兩條友⋯總共叫左三款牛嘅唔同部位嚟食⋯都係超好味，加多支啤酒⋯完美。
兩條友總共食咗差不多九萬韓圜⋯平靚正，喺香港食⋯呢一餐如果冇千幾二千蚊都唔使旨意落樓。
食飽飽之後就坐車返左明洞站⋯係酒店附近坐5號巴士去南山塔。
坐左40分鐘車終於到左南山塔⋯係service counter攞係網上book左嘅入場卷先。
首爾嘅夜景⋯算係OK啦 。
喺南山塔落返落黎之後⋯見有d時間就係酒店附近行左一陣先返酒店瞓覺覺豬，呢個咪就係最近喺韓國好興嘅玫瑰花雪糕⋯不過買嘅通常都係遊客，本地韓國人甚少幫襯。
是日嘅戰利品。
***Day 2 完***
沒有留言:
張貼留言