Day 6(28 Oct 2017) 清涼里蔬果市場/京東市場/首爾藥令市場 》 北村八景 》 永登浦站～晚餐
*這份早餐真太貴*
係首爾咁多日⋯食嘅早餐，今日算係最貴⋯兩杯咖啡加兩個包總共要210,00韓圜，雖然味道算唔錯⋯但價錢就實在貴左d。
21,000韓圜嘅早餐。
食飽早餐後就出發去清涼里，清涼里有四個本地市場，本地人都好鍾意呢度買嘢⋯因為貪佢價錢夠平及選擇多，坐地鐵嚟嘅時候唔難見到好多公公婆婆都坐車嚟。
清涼里四個本地市場⋯包括有清涼里蔬果市場、京東市場、首爾藥令市場及清涼里水產市場（註：水產市場營運時間比較早，所以有興趣嘅朋友要早啲嚟）。
呢度啲生果真係平到笑。
咁大盒無花果只係需要5000韓圜即係等於＄34港幣⋯有冇搞錯啊。
一大包紅棗只係需要5000韓圜=港幣＄34左右。
市場入面有好多新奇嘅嘢⋯係香港唔會有機會見到，好似呢個藍色袋咁⋯裏面有蜂巢、蜜糖、當然仲有鬼死咁生猛嘅蜜蜂。
蠶繭⋯有人話幾好味⋯不過我就唔敢試。
首爾藥令市場⋯主要係賣人蔘及藥材。
行完清涼里呢幾個市場之後，我哋就轉場去左安國站，點解又返嚟呢度⋯因為上次漢服體驗時因為太累而冇去到北村八景，所以今日返嚟補返數，行之前當然要食啲好嘢補充體力先。
Cafe MAMAS （景福宮或安國站）
首爾特別市 鐘路區 中學洞 19番地 The-K Twin Towers 1樓 電話：02-736-1250
從景福宮(327)6號出口或安國站(328)6號出口，步行大約5~7分鐘就到。
呢間餐廳係當地都幾出名架。
真係唔好講笑⋯啲嘢食又真係幾好味。
食飽飽後⋯就開始我哋嘅北村八景艱辛行程。
回程時見到呢位阿叔⋯賣嘅嘢好似香港嘅叮叮糖，所以用咗3000韓圜買來試吓⋯不過都係香港嘅叮叮糖好味啲。
晚餐，'滋味行'睇過呢間餐廳⋯任食鰻魚⋯超想試吓，不過嚟到先發現⋯鋪頭因為爆水渠所以要關門四日⋯維修唔做生意，真係黑仔有條路，如果大家有興趣來試吓⋯就要睇下大家嘅運氣。
장어생각 （任食鰻魚）
永登浦站5號出口行3分鐘就到。
摸門釘後⋯由於太累⋯唔想再周圍搵嘢食，加上運氣麻麻，所以決定買麵包返酒店食就算，食完可以早啲休息⋯準備明天嘅行程 。
飯後甜品。
***Day 6 完***
沒有留言:
張貼留言