Day 4(26 Oct 2017) 明洞綠茶專門店 》 梨大站 》 明洞姜虎東燒肉 》 明洞亂打秀
O’Sulloc Tea House明洞店
首爾中區明洞1街47-1電話: +82-2-774-5460 營業時間 : 周一~周四 09:00 ~22:30 / 周五~周日 09:00 ~ 23:00 http://www.osulloc.co.kr
今個早上⋯甜品當早餐，直接用甜品去殺死你。
綠茶沙冰最好味⋯濃郁嘅綠茶味。
呢兩件蛋糕嘅味道還可以⋯但價錢就稍為貴左少少，比日本嘅水凖仍有一段距離⋯繼續努力。
就係呢杯沙冰⋯ Very Good!
食完早餐之後⋯諗住去樂天百貨或新世界百貨嘅'Whoo'專櫃幫人買護膚品 ，但去到時已經有超多人排緊隊，最後只好放棄⋯因為實在太多人太浪費時間。(註：排隊中途發生一個小插曲，有一個C9(唔知係內地人定香港人)同我地講，佢會排喺我哋後面⋯但係佢會去其他counter買野先⋯轉頭唔知幾多十分鐘之後先返嚟，叫我幫佢霸住個位⋯等佢返嚟，你話佢係咪痴鬼線⋯我真係想同佢講⋯不如你幫我排隊我去買其他嘢先，轉頭我返嚟搵佢好唔好，由於我哋唔想浪費時間排隊及幫個痴鬼左線C9⋯最後決定放棄、離開）。
新世界百貨明顯少好多人⋯不過有好多item都已經賣晒！
買唔到護膚品⋯最後我地就轉戰梨大站，不過由月台去出口時⋯個自動電梯壞鬼左，兩個選擇⋯行一條長長長長嘅樓梯、或者乘搭呢部超麻煩超長時間嘅電梯⋯每次只限載四個人，足足用咗10分鐘先上到去。
終於嚟到梨大站嘅出口！
梨大正門。
係梨大行咗一陣間已經到食飯時間啦，午餐嘅餐廳就係呢間啦'BaB'，好地道嘅學生餐廳⋯不過啲食物就十分之ok，一句講晒⋯平靚好味，想試吓本地學生食咩午餐⋯可以嚟呢度試下。
'BaB 밥, 비에이비'
首爾特別市西大門區梨花女大街50-6,B1F
電話：02-393-3964
營業時間：11:00-21:00
交通方式：地鐵241梨大站3號出口，步行5分鐘。
我哋分別叫咗一個蔬菜拌飯同一個石鍋牛肉湯套餐⋯都十分之好味。
食完午餐就係周圍行左一陣，直至行到去新材站，之後就坐車返明洞站。
係Lotte 百貨見到呢個雪糕，真係忍唔住買杯嚟食⋯好味道。
我杯雪糕呀！
晚餐⋯'姜X東燒肉'
係呢度食燒肉我只會食佢嘅燒豬腩肉，唔會食佢啲牛⋯因為佢用嘅豬肉係韓國本地貨，而牛肉就係用澳洲或者美國貨，嚟到韓國食燒牛豬肉當然係想食韓國嘅本地貨啦⋯其他國家就咪搞⋯唔想浪費quota。
評語：食物質素還可以，不過服務嘅質素就麻麻哋⋯有待改善，可能由於顧客太多⋯員工只得幾個。
仲有最靚嘅豬腩肉、仲有最靚唧豬腩肉⋯好好味。
個飯盒味道唔錯⋯不過可惜⋯凍左少少。
食飽飽後⋯我哋就去咗睇'亂打秀'，如果未睇過的話可以抽啲時間去睇下⋯都 OK好笑嘅。
星期四嘅明洞夜晚⋯都幾熱鬧架。
有錢嘅話⋯連龍蝦都有得你食啊。
行左一陣⋯就返酒店瞓覺覺豬啦。
***Day 4 完***
沒有留言:
張貼留言