DAY
6 (18 Apr) 南大隅 > 指宿
根占港ターミナル > 長崎鼻 > 唐船峡 そうめん流し 流水麵 > 池田湖 > 知林ヶ島 > 沙樂 > Hotel: 花の温泉ホテル 吟松
早餐⋯我哋揀咗一個日式及一個西式。
根占港ターミナル
住所: 鹿児島県肝属郡南大隅町根占川南７２１−２０
電話番号: 0994-24-2531 MC:170
151 416*42
食飽飽後我哋就出發去坐船。
根占港。
船程由南大隅根占港坐去指宿嗰邊嘅山川港。
長崎鼻
MC: 648 565 833*73
嚟到指宿⋯第一個目的地就係長崎鼻。
長崎鼻公園是薩摩半島最南端突出的海岬。又叫”龍宮鼻”⋯傳說是浦島太郎要出發前往龍宮遊玩時的地方，裡面有一座祭祀乙姬公主的龍宮神社。
龍宮神社。
在這裡⋯有遼闊的海景以及壯麗的開聞岳。
整個日本⋯有好多地方都有提及浦島太郎嘅傳說。
開聞岳⋯成個天空都冇咩雲⋯但係佢嘅頭頂偏偏就有一舊蘑菇雲跟住佢。
唐船峡 そうめん流し 流水麵 (10:00-17:00)
午餐時間⋯今日食流水麵。
第一步⋯係1號窗口買飛先。
之後⋯係呢度比張飛同日本大媽，話佢知你坐嘅枱號就可以。
個人覺得呢個套餐麻麻哋好食⋯叫做試過就算喇。
池田湖
イッシー像 MC: 285
276 394*84
池田湖遊園地 MC: 285 275 264*76
池田湖⋯影相嘅好地方。
呢度特別之處⋯水怪嘅石像甚多。
湖邊有好多花海⋯超靚⋯有時間的話可以慢慢影相。
真係好似一幅畫咁樣。
知林之島⋯嚟之前記住check下朝退嘅時間。
海邊有好多公公婆婆喺度採摘海帶。
溫馨提示，記住着對好啲嘅鞋⋯因為呢度嘅沙都幾鬆散同幾幼細下，行起上嚟都幾吃力⋯同埋啲幼砂會攝入對鞋入面。
潮退才出現嘅步行徑上⋯有好多得意嘅貝殼。
吓⋯咩話⋯海星都有⋯生猛㗎。
講起呢隻海星⋯就發生左一件事，如果喺香港發生嘅話⋯我會毫不猶豫地報警⋯告佢虐待海星。
事件發生經過：當時係潮退才出現嘅步行徑散步時⋯團友2號發現一隻海星，少見多怪嘅我地當然會覺得好得意la，經過一輪同海星合照之後⋯大發慈悲之心嘅我倆想把海星放回海裏，避免海星喺岸邊繼續比太陽暴曬，正當團友2號準備把海星拋出海裏之際，她突然手一滑⋯可憐嘅海星就重重地跌落地面，海星嘅五個尖角輪流接觸的地面⋯恍似一個風火輪⋯以高速直衝去海中心，我當時心裏面諗⋯隻海星需唔需要入ICU，團友2號其實係想救隻海星⋯定係想殺隻海星呢，答案只有佢先知道。
沙樂
就係我住嗰間溫泉酒店隔離。
比完錢之後就入內換衫⋯只穿浴袍，記住浴袍入邊要係一絲不掛，男士就冇咩所謂姐⋯至於女士⋯我諗應該會有小小尷尬。
成班工作人員一齊喺度用個鏟招呼你⋯係幫你堆沙，但比我嘅感覺⋯似係一班殺人犯喺度埋葬屍體，焗完之後⋯浴袍會比流出嚟汗水整到濕晒，我終於明白點解浴袍入面要一絲不掛。
不過望住出邊個風景⋯又真係幾享受嘅。
花の温泉ホテル 吟松(ぎんしょう）
所在地：〒891-0406 指宿市湯の浜５—２６—２９
今晚住嘅酒店⋯亦都係成個旅程最貴嘅酒店（註：check-in嘅時候⋯團友2號揸住兩個空嘅綠茶樽入內⋯比人嘅感覺似係一個大媽）。
杯綠茶係用手打出嚟的⋯不過我就唔太識欣賞喇。
呢兩件餅實實地⋯幾好食，似係中國傳統嘅棋子餅。
間房⋯今晚有自己私人嘅風呂。
一路浸溫泉一路望住出邊嘅風景 ⋯Good。
食晚餐嘅地方。
飲杯啤酒先。
牛肉鍋。
今晚嘅魚生好味好多。
本人覺得成個晚餐嘅食物還OK ⋯最好味嘅就係呢個甜品。
***Day 6 完***
沒有留言:
張貼留言