秋遊日本: 蕃薯春遊日本南九州、鹿兒島、宮崎九天自駕遊 13-21Apr 2016-Day 1(13Apr)

DAY 1 (13 Apr) 香港 > 鹿兒島空港 > 霧島

香港 > 鹿兒島機場 > Toyota 攞車 > 神話の里公園 > 晚餐

每次去旅行⋯食早餐都係‘牡丹樓’，今次轉下口味食‘何洪記’⋯雖然貴少少⋯但係味道還可以，不過⋯團友2號就覺得佢嘅粥底鹹左少少。

食飽飽⋯入閘等上機⋯Kagoshima 我哋嚟啦！

坐飛機去鹿兒島⋯香港快運UO有direct flight最方便。

眨下眼已經到左鹿兒島機場⋯一個好細嘅機場。

Toyota rent a car…鹿児島鹿児島空港店 Tel:0995-58-2306 Mapcode: 42 746 826*86

到步後⋯第一件事當然要同團友3號會合啦。

今次嘅團友3號係個後生仔⋯叫‘Roomy’，里數都唔夠2000K⋯極新淨，搞到我都有d壓力。

神話の里公園
鹿児島県霧島市霧島田口2583-22 Tel: 0995-57-1711

神話の里公園：今個旅程嘅第一個景點，但估唔到⋯第一個景點就發生左意外，影響到之後嘅行程⋯揸車時有點不方便。

要到神話の里最高處睇風景⋯首先要到纜車站，而要去纜車站有兩個方法，第一個係比＄＄坐古董火車，另一個方法就係直接步行去纜車站⋯路程並不是太遠⋯只需10分鐘就可以了，我哋就選擇行路上去⋯順便睇吓風景影吓相。

其實坐上山頂嘅交通工具並不是纜車、而係滑雪坐嘅吊車。

到咗山頂。

影完相睇飽風景後⋯想離開山頂有兩個方法，第一個就係坐返吊車回程，而另一個方法就係坐滑行車，我哋就選擇咗後者⋯貪佢夠刺激又好玩，滑行車本身其實好安全⋯你只需控制車上嘅操縱桿拉前拉後就可以控制速度，但……就係呢道發生左交通意外！

意外發生經過⋯由一把大聲呼救開始：團友2號在滑行過程中⋯帶著嘅cap帽差點被強風吹走，為了救回帽子，團友2號竟然把注意力集中在cap帽上，而忽略了控制操縱桿⋯而引致滑行車速度過快，就在此時⋯眼見團友2號快將會因為速度過快而被拋出車外⋯發生意外，在前面嘅我只好把車停下擋住前面⋯希望用我強大而又軟綿綿嘅身軀去承受團友2號嘅撞擊把車停下，最後兩車相撞⋯人被拋出車外跌落草地⋯四腳朝天，幸好有驚無險⋯團友2號只是擦破了褲子（多謝上帝⋯團友2號冇事），而我就⋯比她嚴重一點⋯右手有兩處擦傷，最大問題係擦損嘅地方嚴重影響我之後揸車、甚至瞓覺⋯當晚就痛到瞓唔著（註：因為清潔得唔好⋯所以引至發炎），損傷最後須要兩個禮拜才完全康復。