宮崎市內行街 > 鰻楽 (MANRAKU > 鵜戶神宮 > ホテル青島サンクマール
連續兩晚住同一間酒店⋯所以早餐嘅款式同尋日一模一樣，都係麵包最吸引⋯所以食咗好多。
宮崎市內行街
早餐後⋯首先到宮崎市內行個圈先，山形屋係市內⋯已經係最大型最in嘅嘅百貨公司，不過⋯佢比我感覺就似行緊裕華國貨或者永安百貨。
行到攰攰地⋯嘆杯咖啡先啦。
啲cake同香港真係唔同款式嗰喎⋯不過冇食到⋯因為未肚餓同留返個肚仔食午餐。
鰻楽 (MANRAKU)11:00～14:00 & 18:00～20:00
內裏嘅裝修真係好靚。
識食嘅⋯梗係食一盒盒嘅鰻魚飯啦，因為佢會用燒鰻魚最好嘅中間位置，如果你食一碗碗嘅蓋飯⋯鋪頭通常會比頭或尾嘅部份給你食。
好味道⋯不過我始終覺得係‘四萬十’食嘅鰻魚飯係最好味。
鵜戶神宮⋯佢個位置好特別，建築於岸邊嘅懸崖上。
レインフォレストカフェ 三ツ和荘店
前幾日就落雨落到死，今日就調返轉⋯太陽伯伯成日黐實你⋯超熱，行鵜戶神宮之前食返杯軟雪糕先啦。
綠茶軟雪糕⋯我就覺得佢個綠茶味唔夠⋯濃味少少會好啲。
山洞入邊就係神宮本殿嘅位置。
房嘅景色⋯對住鬼之洗板。
食晚餐嘅餐廳。
呢間溫泉酒店⋯房間還可以⋯不過個晚餐就超難食⋯印象深刻嘅境界。
啲魚生有陣魚腥味 ⋯唔係太新鮮，真係好奇怪⋯間酒店喺海邊⋯但係啲海鮮居然唔新鮮，真係百思不得其解。
成個晚餐就係得呢幾件雞叫做好味少少。
就係呢個⋯超嘔心嘅炸魚塊，啲魚用嚟炸都算嫁啦⋯咪當食炸魚薯條囉，但佢居然喺上邊再加啲醬汁⋯搞到成舊炸魚霉霉爛爛，真係唔明白個廚師想點⋯唔三唔四。
呢個生果仲搞笑⋯啲皮仲厚過啲肉，淡而無味⋯超古怪。
***Day 4 完***
沒有留言:
張貼留言