還車 》坐飛機返香港
呢間酒店會包好簡單嘅早餐。
就係飯團⋯味道就麻麻⋯佢只會令到你唔會感覺肚餓姐。
最後一日：第七天，時間過得真係快⋯又係時間講拜拜，不過坐飛機離開之前⋯有一件事必定要做嘅⋯就係還車啦，前幾日發生嘅意外⋯最後我究竟需要賠償幾多錢呢，原來吉人真係會有天相⋯Nissin居然唔使我賠錢，原本我以為需要陪20,000円⋯而家唔使比⋯可以好安全咁留喺我銀包裏面，真係好意外又驚喜，下次我再到沖繩旅行的話，需要租車我必定搵返你，不過⋯可能係Nissin租車公司唔再租比我⋯哈哈。
係時候要check-in行李喇。
你睇⋯大家都滿載而歸，每個行李箱都脹卜卜⋯好似一隻隻嘅糯米雞咁。
搞掂啲行李後⋯過埋安檢，就係登機閘口附近搵嘢食，今次食拉麵、雞串、章魚燒再加雪糕⋯味道雖然冇喺那霸市區食嗰啲咁好味，但已經比香港食嗰啲好好多⋯超滿足。
甜品⋯紫薯軟雪糕。
好喇⋯係時候上機離開，下次有機會再同大家分享啦。
***Day7 完***
沒有留言:
張貼留言