DAY
6 (25 Apr) 城崎溫泉 >大阪 (還車）
吃早餐前⋯先到外面走走，感受下城崎溫泉嘅早晨。
同昨天的晚餐比較，早餐相對比較簡單⋯不過已經足夠！
駕車去下一個景點嘅途中，比我地係路邊發現幾棵櫻花樹⋯真好彩，冇野好講⋯影相影相再影相，係其他地方嘅櫻花樹⋯早已變得光禿禿了!
天橋立及智恩寺...MC 197 202 377
智恩寺傍邊嘅停車場⋯¥800全日任拍，相比其他car park要￥1000～¥1200，佢已經係最便宜喇，首先參觀智恩寺，當地傳聞⋯只要嚟呢道參拜，便會得到無限智慧，智慧我大把⋯再講⋯人太醒就會招人妒忌⋯容易比人孤立排斥⋯咪搞！
其實只要穿過智恩寺一直行⋯便是坐觀光船嘅碼頭。
前兩日我已經打左電話比船長⋯叫佢安排架大船過嚟接我地，你睇我地一到達碼頭⋯船長叔叔已經急不及待地行出嚟⋯幾威水，哈哈⋯其實係咁巧合有船剛拍岸姐。
呢條就係⋯天橋立，係船上面睇⋯冇咩特別，要到高處望返落嚟⋯先睇到佢特別之處。
對面岸嘅'一之宮'碼頭。
籠神社⋯由'一之宮'碼頭一直走，過了大馬路便是籠神社。
穿過籠神社，會經過一條小小的手信商店街，盡頭便是前往傘松公園的纜車&空中吊椅搭乘處~府中站。
|
府中站⋯上傘松公園方法可以坐纜車或者坐空中吊椅，有師兄教路⋯上山搭纜車、下山搭吊椅，這樣下山時便可以再次欣賞天橋立的美景。
有興趣的話可以比￥200買三片白色瓦片當作飛標。
目標就係呢個圓圈喇⋯當地人解釋如果用瓦片擲中中心便會帶來好運，我咪就係嗰個當地人囉⋯哈。
日本三景⋯天橋立，每個人到此都會彎腰倒轉影張相⋯睇下天橋立砂丘是否好似天空上嘅一座橋樑，其實似唔似就好個人嘅⋯自己幻想下啦！
離開時⋯我地咪坐呢種空中吊椅，個人意見⋯其實上或落山都應該坐吊椅，原因係比cable car 涼快同好玩得多。
午餐⋯一之宮碼頭附近嘅餐廳搞掟。
其實真係幾好味⋯團友2號尤其鐘意佢杯黑豆茶，我就覺得麻麻地⋯口味呢家野我識條鐵咩⋯總之唔係我杯茶啦。
回程返到智恩寺時⋯見尚有時間，便到天橋立砂丘嗰邊走走。
離開天橋立⋯係時候返大板還車,要同團友3號講再見⋯真有點唔捨得，多謝你呢幾日嘅辛勞，冇你⋯我地係唔會完成今次超級長征。
呢間酒店係心齋橋附近⋯價錢合理，房間大細還可以，當 Cross hotel and Vista hotel 仍然收緊￥15000至￥24000左右一晚，佢每晚只須￥10000咁多（包簡單早餐）⋯超值。
今晚食雞串⋯幾好味，不過就真係貴左dd，我地食左小小野加兩杯drink已經要成￥8000左右⋯最重要係未飽吖ma。
雞翼最好味。
一風堂 ⋯雞串食唔飽，加多個拉麵先返酒店瞓覺⋯yeah!
沒有留言:
張貼留言