DAY
5 (24 Apr) 鳥取 >
城崎溫泉
早餐：要同老友記兵團一齊排隊等位⋯等等等，快d安排位置比我啦，伯伯我快累死了。
原本嘅計劃係會去浦富海岸⋯坐島めぐり遊覧船，但開車途中發生左一件我嚟日本自駕最唔想發生嘅事件⋯就是比交通警捕獲了⋯即時心寒⋯心諗有冇咁黑仔呀⋯我只係跟隨住前面架車je,更何況⋯其他車都係咁快⋯應該係比我更加快，點解只係捉我姐⋯超激肯死，咁冇計la...只好扮死狗丶扮唔識英文丶唔識普通話la（網上有d師兄教咁做可能或多數會放人),希望佢覺得我地超難溝通、唔明佢講d咩而放我地一馬，誰不知⋯個位正pk師姐(註：如果係男人⋯見到係遊客早就放左人啦）見同我地搞左咁耐都搞唔掂，佢居然call 幫手⋯仲要係一係唔call⋯一call就叫多七條友仔嚟（4個交警、加兩個只識普通話嘅翻譯⋯再加一個穿整齊制服嘅高層），總共加埋成八九條友做我單䅁，大佬呀⋯唔知唔講我以為自已殺左人,而家要帶埋Honey逃避警方嘅追捕⋯有冇搞錯⋯佢地係咪好鬼得閒呀。
結局係點⋯咪連人帶車比人帶返警署囉，仲要係好似殺人犯咁⋯把我同團友2號分開問話（講⋯你承唔承認你殺左人、凶器收埋左係邊，唔講打你一身），影印哂我地兩個嘅護照⋯可能轉頭要把我兩個递介出境，以後唔准再嚟日本玩，救命呀⋯條公路限速60K（其實再行多十幾米就到高速公路嗰段路⋯限速80K)⋯我都係over左23K姐，更何況個個都係咁吖啦，冼唔冼咁大陣象呀，最後由比交通警捕獲⋯到係銀行交完罰款（多謝￥15000）⋯完成所有程序，足足⋯搞左我成四個鐘有多，錢我都算喇⋯時間冇左先超激氣，打亂哂我個行程⋯比返d時間同錢我呀。
係鳥取警察暑搞下搞下都搞到下午一點鐘左右⋯浪費哂d時間，唔夠時間去坐船仔(哭⋯）⋯只好直接去城崎溫泉。
去到城崎已經係下午3點幾⋯剩餘嘅時間唔多，第一時間先去坐城崎溫泉空中纜車...到溫泉寺影下相，其實若要上到溫泉寺⋯可以選擇坐空中纜車或者從藥師堂旁邊行一段山路上去便可。
由於時間關係⋯我當然係坐空中纜車啦。
溫泉寺⋯真係冇咩特別。
藥師堂⋯到此一遊。
大谿川⋯我返而覺得佢幾靚喎。
極樂寺⋯三個寺之中叫做最值得參觀，但都係冇咩好睇。
做完例行公事⋯當然係返溫泉酒店check in啦，早d浸下溫泉好過⋯用溫泉水驅走的惡運。
食晚飯之前⋯當然係走出去試下城崎溫泉街最出名嘅七個外湯啦，雖然都知道冇可能浸得哂咁多個，七個喎⋯得咁短時間邊有可能吖，浸到甩哂d皮都浸唔哂啦，但浸得幾多就幾多⋯唔好蝕低吖嗎。
城崎溫泉嘅⋯日落景色！
決定住呢間旅館嘅主要原因⋯就係為左佢超高評分嘅晚餐喇。
呢碟A5和牛⋯入口即溶，份量又多⋯食到一半已經超超飽，差d食唔哂。
加多杯雪巴同甜品⋯完美。
由於晚餐食得十在太太太飽喇，所以飯後就出去溫泉街行左一陣⋯當做運動。
瞓覺前當然要試下自己住個溫泉旅館嘅貨切風呂啦⋯驅走剩餘嘅黑氣。
Day 5 ~END~
沒有留言:
張貼留言