DAY
4 (23 Apr 2015) 出雲 >鳥取
早餐時間：日式早餐⋯款式唔太多，不過已經足夠填飽我個肚仔⋯好味。
呢間超市⋯生果嘅價錢算係今個行程中最低，我都有入返d貨仔⋯等之後幾日食。
鬼太郎街⋯都幾多野睇、幾得意, 整條街會不斷地播放著鬼太郎卡通嘅音樂⋯氣氛唔錯，其間仲比我地捕獲一隻人扮'星君鼠'⋯影相先⋯lucky!
白壁土蔵群…〒682-0021 鳥取県倉吉市上井195ＪＲ倉吉駅2階 Tel: 0858-24-5371
講真嗰句⋯其實呢道真係冇咩好睇⋯可以skip左佢。
午餐：地道拉麵⋯真材實料、用心去做，好味過香港好多出名嘅拉麵店，。
鳥取砂丘⋯今次行程嘅重頭戲，砂丘嘅範圍好大、一望無際，真係好似去左沙漠咁(搵人比杯水我啦⋯我就死喇），我諗⋯除左去沙漠體驗一下之外,都冇咩地方可以有咁多沙比人⋯行下玩下。不過要行去海邊那處⋯真要花一點功夫同力氣⋯幾辛苦，團友2號都行到面青口唇白⋯差d暈低(快d幫手叫白車）⋯超搞笑。
老行家溫泉酒店⋯點解有咁嘅花名，原因係入住當日⋯有個超過80位老友記嘅旅行團入住，而每個老友記嘅年紀⋯冇一百歳都有八九十歳，我地已經係最最後生嗰兩位⋯真係〇哂嘴！
晚餐有獨立房間⋯yeah! 食物款式超多⋯係超超多，基本上一個正常男人係唔會食得哂⋯何況係女仔人家，真係飽到要抱住個肚仔離開，但總括嚟講⋯d食物嘅味道係ok嘅。
呢間溫泉酒店最特別最出名嘅地方⋯就係建築係海中心嘅露天風呂，不過⋯個風呂又真係比較殘舊一點。
夜ma ma⋯赤條條地浸住溫泉、望住個一望無際嘅海（都幾三級下⋯兒童不宜））⋯舒服死，我諗都冇咩地方可以有咁嘅享受。
浸夠溫泉⋯係時候瞓覺！
Day 4 ~END~
沒有留言:
張貼留言