今日係第四日，亦都係今個旅程中最期待嘅一日(同時都係冼費最多嘅一日)，立山黑部(雪之大谷)⋯幾層樓高嘅雪牆，究竟會有幾壯觀幾宏偉呢？好⋯⋯出發去睇下⋯yeah!
係室堂住一晚⋯價錢當然好貴la，而且要預早好多book定房(半年前)，不過當想到人生會有幾多次機會嚟立山(會有幾多個十年)，加上又唔想趕頭趕命係黃昏前落山咁辛苦，所以決定豪一次⋯係雪山上面住一晚。
早餐⋯食返前一晚係富山駅附近買嘅mister donut，好好味⋯每次嚟日本都會食返兩三件先滿足。
由富山駕車嚟立山駅大約一個鐘左右。
由立山駅到黑部湖駅嘅來回票⋯多謝每人盛惠￥10790⋯好貴。
第一程由立山駅去美女平⋯坐纜車。
時間咁早已經超多人：（
就係呢架纜車，超多人⋯入到車廂入面覺得自己好似沙丁魚。
第二程跟住搭高原巴士往室堂，有位坐⋯雖然d位好狹窄，好過做沙丁魚企足全程吖，而且沿途有大量靚風景比你睇，所以大約50分鐘嘅車程過得好快。
超高嘅雪牆！
超過三百年嘅巨人樹。
沿途司機哥哥會停一停比大家欣賞下靚靚風景。
此路行上去⋯會有一大片雪地。
就係呢道喇⋯真係好鬼死靚。
今晚住嘅酒店嘅外貌。
超多人嘅雪牆行人道。
第三程跟住搭隧道電車往大觀峰睇靚景⋯亦都係我地係立山黑部可以到嘅最高點。
就係呢架隧道電車，好似香港d電車咁⋯上面有條電纜連繫住供電比架車車，不同之處就係下面冇路軌限制住佢。
大觀峰上嘅美景。
第四程就搭吊車從大觀峰吊去黑部平，又係超多人⋯又再一次做沙丁魚，不過沿途風景都好靚。
第五程再搭全日本唯一的室內纜車從黑部平去黑部湖駅,係黑部湖駅可以行去水壩個邊，有時間大家仲可以係水壩隔離嘅餐廳食返個lunch，係呢道食比係室堂果邊食好好多⋯原因係呢道比較少人、舒服d。
午餐嘅味道還ok。
午餐後⋯我地就回程返酒店休息下，因為今日真係超辛苦、超累。
房間比較簡單同舊，冇計la⋯獨市生意，係室堂只得佢一間酒店，焗住要幫襯佢。
晚餐味道都尚算ok⋯只不過係d食物比較普通左d，人客比咁貴嘅價錢⋯理應比返d好少少嘅食物先叫做合理。
今日太辛苦，加支啤酒⋯啤啤佢先。
食飽飯返到房，床已經set好。
瞓覺之前，兩條友仔走左去酒店外面睇下星星月亮、不過咁夜就冇太陽，欣賞下夜景。
Day 5...完 （超辛苦、不過真係超靚超好玩）
住宿: 室堂駅 ホテル立山
在網上找立山黑部旅遊資料時，發現另一位網友和你在同一日遊同一個地方，感覺挺有趣的。
回覆刪除http://iloveahbei.blogspot.hk/2014/05/blog-post.html