由酒店房間望出去嘅景色。
晨早浸完個靚靚溫泉之後，就即刻落餐廳食返個豐富早餐，至於早餐嘅食物種類⋯都算幾多，而且味道唔錯（最好味都係自制溫泉蛋魚子撈飯⋯very good）。
宮川朝市…由酒店行過嚟朝市只須要15分鐘左右，所以冇駕車，免得又要浪費時間同金錢去揾car park咁麻煩。
今日已經係星期六，理應遊人眾多，但整個朝市居然只得小貓三四隻⋯顯得一片冷清清，給人大打折扣嘅感覺。
白川鄉…初夏裏嘅白川鄕都尚算ok靚，不過總覺得人生始終都要嚟睇一次⋯一片白濛濛嘅白川鄕（被白雪蓋住）先叫做滿足，可能某一年嘅冬天我地會再來...i will be back!
吊橋應該係要搖搖欲墜⋯呢一條太實淨喇⋯唔好玩！
近江町市場寿司…太多旅遊書推介，所以期望太高⋯最終失望而回，好好好普通嘅貨式⋯係日本隨時走入一間餐廳都可以食到咁嘅水準。
近江町市場…好熱閙、都幾多野睇，值得到此一遊。
由於午餐麻麻地，所以行過呢間鋪時⋯見到果d同手掌一樣咁大嘅生蠔，即刻心動，再加上正在用餐嘅同鄕（香港人）大力推介，最後我就用左￥1200食左一隻超大嘅生蠔⋯好新鮮、幾好味。
係咪真係好大呢：）
金澤的21世紀美術館…冇咩好睇，影左兩張相留為紀念就即閃，同d朋友講都叫做嚟過就算數喇！
大家估下呢d一條條嘅東西係咩野嚟？
答案係⋯唔講比你知、等你心思思、然後變白痴！
參觀完美術館，我地就由金澤駕車去富山駅附近嘅酒店放低d行李，之後就出去揾食。
富山マンテンホテル…今晚（第三晚）住嘅酒店，整體都尚算ok，而且亦都有溫泉for遊客浸泡，￥8300（唔包早晚餐）包car park⋯都ok合理吖。
すし玉 (回転寿司)…好多人排隊，我地都要等左半個鐘先有位，不過都值得嘅⋯幾好味、d魚生好新鮮，加上寿司師傅嘅額外照顧（佢知道我地唔係本地人）⋯所以今晚嘅dinner食得好滿足好開心。
Day 3...完 （すし玉 回転寿司⋯好味）
Lunch:
近江町市場… 鄰近駐車場MC 41 559 188/21
Dinner: すし玉 (回転寿司)…富山県富山市掛尾栄町5-8 Tel: 076-491-1897 MC 40 295 676 11:00～21:00有駐車場
宮川朝市
白川鄉…可先上荻町展望台睇全相 MC 549 049 188,Bus Stop可過橋MC 549 018 470
金澤的21世紀美術館…Tel: 076-22—2800 MC 41 499 849/762
兼六園…MC 41 500 781
沒有留言:
張貼留言