一早起來，落酒店一樓食返個早餐先，講開又講⋯Toyoko Inn 的早餐都唔係太差je，都幾好味，起碼好食過CX 的飛機餐好多。
幾好味嘅蘿蔔絲salad。
食完早餐check out 後，我地就行左去離酒店幾條街嘅Toyota rent a car ，揾埋團友3號（即係攞車車）⋯之後就開始我地嘅喪食長征自駕之旅喇。
つみつみいちごファーム(士多啤梨園)⋯首站就係去摘士多啤梨，食多d士多啤梨可以清清腸胃同增加食慾，之後咪可以食多d好野囉⋯yeah， 盛惠每人￥1300 ⋯30分鐘裏面任食！
係咪好大粒呢！
LE MIDI（食飛驒和牛）⋯清完腸胃之後，大家當然會有少少肚子餓吖啦，不過時間尚早⋯現在食lunch又實在太早喇，所以我地就用左3粒鐘時間⋯由名古屋駕車去高山市（去到鎖定嘅餐廳時⋯已經由少少肚餓變為幾鬼肚餓）。
係網上搜尋資料時發現有呢間餐廳⋯而各位師兄師姐對於佢嘅評價都有返咁上下，所以就嚟豪一下，最後我地order左兩個都幾貴嘅lunch set，埋單要成￥12000⋯肉痛死，不過真係幾鬼好食、入口即溶⋯值得嘅。
上三之町⋯一條好古色古鄉嘅街道，嚟呢道行街睇野⋯加上大量嘅特色小吃，鐘意懷舊feel 同食小吃嘅朋友仔就一定要嚟呢道enjoy下，包你樂而忘返⋯唔捨得走。
生和牛壽司⋯口感怪怪地，不過味道都ok嘅，盛惠￥600兩件。
飛騨花里の湯 高山桜庵⋯第二晩住嘅酒店，評價：平、靚、正⋯加上晚餐都ok好味，最鬼喜歡佢位於頂樓嘅露天溫泉，雖然唔係好大，但你可以一面浸住溫泉、另一面欣賞下佢個無敵靚靚夜景⋯超值享受！
房間雖然唔係好大⋯不過張床就好大好舒服，朝早真係唔想起床。
晚上嘅高山駅 ！
晚餐雖然唔係d好高級好貴嘅材料，不過都尚算ok好味。
加支啤酒⋯啤啤佢先！
Day 2...完 (午餐嘅飛騨牛...very good)
住宿: 飛騨花里の湯 高山桜庵(たかやまおうあん)… 岐阜県高山市花里町4-126 Tel: 0577-37-2230 MC: 191 195 227
Lunch: LE MIDI …岐阜県高山市本町2-85 駐車場有 TEL0577-36-6386 MC 191 196 490
つみつみいちごファーム(士多啤梨)……岐阜県本巣市曽井中島974-1 Tel: 0581-34-4831 MC 28 845 078
上三之町
飛驒之里…( MC 191 163 497)
沒有留言:
張貼留言