旅程最後一天嘅早餐，同昨天冇分別！
日本人原來同香港人一模一樣⋯都係好喜歡排隊！
再嚟又排隊⋯不過呢條隊應該全部都係遊客嚟！
嚟過好多次嘅'黑門市埸'，不過望真d⋯d價錢其實並不便宜，所以應該叫做'呃人市場'⋯講笑，大城市點同鄉村比較吖⋯舖租都差好遠la!
Le Premier Cafe
行左陣見冇咩收獲⋯便走去嘆吓coffee 同cake cake！
件cake就普通左d!
飲完coffee食飽cake...充滿力量喇，繼續戰鬥⋯挑戰'Daimaru'南北座，最後係'Beams'又買左野，點算⋯篋神已經冇哂位⋯點處置？
時間差不多⋯出發去機場！
到達關西空港⋯未係時候check in，只好食左野先，今餐食拉麵⋯因成個行程都未食過拉麵，就佢la⋯'龍旗信'！
係機場呢d荒蕪地方，只要唔好要求太高⋯味道過得去已經有哂交代吖喇！
食飽飽就走去check in !
不過發生左件小插曲，係行李過重⋯不過今次並不是寄倉個件行李過重，係手提行李過重⋯航空公司規定每人可以攜帶一件手提行李限於7K以下，而我個件手提大約有11K，其實之前都未試過有航空公司職員會check 手提行李幾重⋯今次係第一次⋯真奇怪，，不過佢都比我係外面重新整理（即係抽返d野出嚟）⋯轉頭排隊比佢再磅過就ok，搞左好耐⋯排過隊⋯再磅過，仍然過重⋯不過今次只得8.4K，佢就當ok⋯比我過關，如果唔係就要比￥3400⋯實在太貴喇，其實過左出境嘅閘位後⋯我已經把d野再放返入個手提篋裏面，其實佢咁做有咩用呢⋯真係唔明白，定係佢想玩鬼我？
等上機時⋯個閘口crew見到我個手提篋，話要幫我寄倉⋯我當然冇問題la，而且又唔洗比錢⋯慳返￥3400，真得意⋯左玩右玩最後咪又係寄倉！
Day 9 ～全程完～
Le Premier Cafe in ビギ・ファースト3.71…大阪府大阪市中央区心斎橋筋1-3-28 ビギ1stビル 3F Tel: 06-6253-2567
沒有留言:
張貼留言