排隊隊⋯食早餐！
久禮大正市場
給你一個忠告⋯呢個市場好細，而且仲要係中午12:00後先好嚟！
日本最後一處未被污染嘅靜土⋯'四万十川'
建於昭和 41 年⋯全長 120 米，其實條橋都幾窄下⋯只容許一架車經過。
午餐⋯四万十屋
呢道最出名嘅係鰻魚⋯分天然（即係野生）同養殖兩種，當然天然嘅會貴d⋯大約比養殖嘅貴20-25%，我自己覺得天然嘅鰻魚比較彈牙同結實⋯有咬口，而養殖嘅就比較肥美同油脂多d⋯香口dd，本人就覺得天然嘅比較好味d⋯食多少少都唔有油膩嘅感覺！
呢個就係天然鰻魚！
圓型呢個就係養殖的！
食鰻魚飯隔離⋯本來就係坐船仔嘅舖頭，食飽飽後⋯本想行過隔離就可以舒舒服服咁坐船仔'舟母浪漫'，但原來而家已經轉左另一地方。
根據鰻魚店老闆嘅講解⋯我地就向另一個地方出發！
根據四万十屋老闆的指示⋯終於嚟到另一個賣飛嘅地方，同樣地⋯都係沒有人，正在迷惘嘅期間，一位騎著單車嘅老伯就同我地講⋯如果要坐船就要去指示牌標示嘅地方：松廣屋，冇辨法⋯2仔底死跟⋯只好照去。
到達松廣屋喇⋯終於有位婆婆出來招乎我地，哈哈⋯不過雞同鴨講，妳有妳講⋯我有我唔明白，最後我就用左自出生以來⋯已經擁有嘅天賦能力⋯身體語言同佢溝通，有結果⋯原來今日係冇得坐⋯停航， SXYZ⋯有冇搞錯，搵左咁耐⋯你同我講冇得坐，咁都冇辨法la，正想離開時⋯婆婆同我地講明早有得坐，問我地有冇興趣⋯開始時都覺得冇咩問題，所以就應承左，但返酒店途中先發覺明天唔係太夠時間用，所以就麻煩左酒店嘅職員幫我地通知松廣屋⋯即係婆婆⋯明早要取消。
佐田沈下橋⋯建於昭和 47 年, 全長 291.6 米。位於四萬十川最下游, 亦是最長的一條沈下橋。
搵船仔嘅過程中，誤打誤撞比我地搵到另一個景點，當地市民亦都會駕車去欣賞，只要拍好架車再向河邊方向行入小小⋯就見到一片黃色花海，好似一幅畫咁⋯好靚！
今晚住宿：四万十宿
評價：d房比較舊的⋯其他地方都冇咩問題，可能前一晚係祖谷溫泉⋯那裡嘅房間、晚餐及私人風呂都實在不錯，跟今晚比較之下⋯感覺自然會差一點！
飲coffee嘅地方！
房間比較殘舊d！
入住呢間酒店⋯佢會送兩張飲coffee 嘅coupon 比住客，有時間時可以嚟hea 吓！
我地當然唔會浪費la⋯晚飯前去嘆返杯coffee先，仲比我地識左一對公公婆婆⋯大家仲係道大談香港同日本嘅好與壞，佢地仲搞笑地叫我地移民去日本先⋯心諗⋯我都想⋯但邊有咁容易吖！
晚餐嘅地方！
晚餐嘅款式同前晚差不多，味道都唔錯！
浸溫泉嘅地方⋯幾大下。
Day 4 ～完～
久禮大正市場…〒789-1301 高知県高岡郡中土佐町久礼6530 Tel: 0889-52-3822 MC: 362 568 870
岩間沈下橋...MC: 764 428 821 建於昭和 41 年, 全長 120 米
午餐: 四万十屋MC: 276 804 130
佐田沈下橋(W page:117)... MC: 466 331 341 建於昭和 47 年, 全長 291.6 米。佐田沈下橋位於四萬十川最下游, 亦是最長的一條沈下橋
舟母浪漫 http://www.shimantoya.com/store/…高知県四万十市山路2494-1
住宿: 四万十の宿…〒787-0155 高知県四万十市下田３３７０Tel: 0880-33-1600 MC: 276 689 856
沒有留言:
張貼留言