秋遊日本: 蕃薯秋遊日本靜岡、富士山、阿智村九天自駕遊 D8(23Nov)16-24Nov 2016

蕃薯秋遊日本靜岡、富士山、阿智村九天自駕遊 D8(23Nov)

之前尚未解釋…點解要嚟阿智村，原因係為左睇日出及雲海，係日本…阿智村被評為光汚染最少嘅地方，晚上只要用肉眼就可以清楚看到夜空上嘅星河（註：有季節嘅限制…我地去嘅時段正好冇得睇），不過…今次我地要睇嘅…係日出及漫天雲海，而選擇住呢間酒店嘅原因…係因為佢可以幫住客買飛，自己唔洗更加早起床…天寒地凍到山麓駅排隊買飛。

雲海Harbor 山麓駅

零晨3:45am左右…好辛苦咁起床，首先由窗望出去…睇下天氣如何，如果係落雨中的話…即係可以繼續瞓覺啦，窗外四周漆黑—片，世間仿似停頓左咁樣…辛好天氣良好，没靈魂似的我倆…稍為梳洗—下就準備出門，由酒店駕車到山麓駅大約要20分鐘左右。

去到山麓駅…因賣飛時間要到5:00am才開始，所以已經有好多人正在排隊中，我…當然唔洗排隊買飛la。

我手上已經有飛la。

要上最高處睇日出and雲海…須坐兩種交通工具，首先就係佢…纜車。

之後就轉乘滑雪坐嘅吊車，坐呢種就攞命好多，—路坐…ｄ風就—路吹埋嚟，凍到成個人變成雪條咁…真係凍檸水！

上去山頂駅嘅途中…四周都黑濛濛，伸手不見五指。

到達山頂駅…已經有好多人，大家須再行上百幾二百級嘅梯級…到山頭上嘅休息亭佔據有利位置，等待日出嘅時刻來臨。

—大片嘅雲海！

休息亭如果企滿人後…人就須要在沿途嘅山路注足等待。

今次發現—個幾得意嘅奇景，當太陽伯伯出現嘅時候…四周圍嘅雲霧水氣就會四處亂鼠，仿似要逃避太陽光嘅追捕…超搞鬼。

下山時…纜車、吊車已經比雲霧包圍。

出發睇雲海時…酒店員工提醒我地要8:30am前要返到酒店食早餐，因早餐會係9:00am左右close。

今早實在太太太早起身，經過幾個小時嘅體力消耗…肚仔已經響起警號—段時間，所以今早嘅早餐份量會係超大份，幸好…呢間酒店早餐嘅款式及味道都頗多及美味。

飽飽後…就返房梳洗下就準備離開，走時…係窗外影相留為記念。

土岐Premium Outlet…岐阜県土岐市土岐ヶ丘1-2 Tel:0572-53-3160 http://www.premiumoutlets.co.jp/toki/

離開阿智村…我地就駕車到左土岐Premium Outlet，睇下有冇好野買。

午餐…今日食西餐…Pizza及意粉，不過味道就麻麻地。

最好味返而係呢個沙津。

Pizza 味道…好好好普通。

蟹意粉…可以叫做有點難食。

甜品…係呢餐嚟講算係ok。

自己食飽…都要照顧下團友３號，更何況燃油嘅情況去到0（註：即係冇哂油）…已經有—段時間（註：自己都怕團友３號太肚餓…唔肯郁）。

好喇…幸運地喂飽左團友3號後，就到名古屋機場嘅Toyota rent a car 還車。

還車…最緊張嘅時刻到左喇…究竟受左傷團友3號，要否須要我賠錢嗎？Toyota員工—手拿住之前租車嘅check list…—路視察車嘅外貌、内部及燃油嘅情況，而我就—路等…—路流冷汗（註：做左虧心事…自然會心虚…流汗la），以我所見…她係有發現受傷嘅位置，但她…那個可愛嘅她…就睇到當睇唔到，呢個正係我想要嘅結局…多謝…她給慳返好多錢，最後…我就唔洗額外比錢嘅情況下順利咁返左車。

今個旅程大約駕左1300km左右…唔算太多。