早餐時間！
豐富嘅早餐…最重要係多生果及菜菜子！
呢個甜品…聽講幾好味，但我又冇食過…點解會知道佢好味？哈…咪就係團友２號囉…佢食完又攞、攞完之後又再攞，唔好味又點會攞咁多次吖。
大井川鐵道
SL 火車…因為知道會幾爆吓，所以幾個月前已經係網上book定位，費事嚟到先發現冇位坐。
只要比個booking number給counter嘅職員…再比＄＄…轉個頭就有飛。
東海軒 大鉄のお弁当
根據傳統…上火車前要買個便當，咁就可以—邊坐火車—邊食便當…感受下以前ｄ人嘅生活習慣。
網上ｄ朋友仔介紹…東海軒嘅便當係最好味喎，但好味嘅定義其實係點計算出嚟…真係唔明白，個人覺得…好麻麻地，只係比難食好少少。
每個朋友仔嚟到新金谷駅…都會到This is Cafe 潮拜下，雖然我都係咖啡精…但我又冇咩興趣喎，個人感覺上太花巧嘅野唔太適合我。
SL 火車頭…勁懷舊。
呢處咪劉華拍道ｘ綠茶嘅外景囉。
便當時間…唔好食…只可以話食個感覺je。
火車上嘅口琴表現…以前係—個大叔表演的，佢可能已經退左休…現在轉左由—位嬸嬸負責。
口琴表演令到現場嘅氣氛高漲…差點想起身跳舞（註：自我幻想中）。
到達千頭駅…周圍影下相先。
回程坐返呢ｄ正常火車。
寸又峽 + 夢之吊橋
下—站寸又峽，駕車去寸又峽時…發生左黑仔行程第四件事…仲要係大件事（註：自我覺得係大件事）。
咩大件事…就係刮花左架車…即係團友３號受左傷。
駕車行走山路時…當遇到路面收窄，即係兩條行車線變為—條…比來回車—同共用，而同時又有對頭車的話，咁禮貌上…較少車嘅一方行車線(即係我)須要停車或倒車讓路給對方，好衰唔衰…當倒車時…我只掛住望著車cam（之前租咁多次車都冇車cam…今次第一次有）…冇睇側鏡，哈…直到聽到物體互刮嘅聲音先知道賴野...激死…團友３號受傷了，左邊車尾同圍欄互刮…pat pat位刮到花哂…入哂肉，當時心諗…有冇咁黑仔呀…今次又唔知要賠幾多＄＄，冇辦法…只希望唔洗賠太多＄或者希望還車時…Toyotaｄ員工睇到當睇唔到，更希望租車嘅保險已經包埋…唔洗賠，最後結果係點…遲ｄ話你知，不過當時及之後幾日嘅心情唔多唔少都受到影響…心裡面總會胡思亂想…搞到個心情差哂。
因為車車事件…搞左搞右用哂ｄ時間，去到寸又峽天色已經開始昏暗…根本就唔多夠時間行足全程，所以我地就影左兩張相及行左—陣就離開左返酒店。
呢位汪星人比我嘅感覺十在太elegant太lady。
れたけインプレミアム静岡駅前
今晚入住嘅酒店…可能location 係市區嘅關係，所以比之前住個幾間較貴少少。
間房尚算ok。
晚飯時間
又到黑仔行程時間…第五件事…飯店提早收…如果係六合彩我就發左達。
其實都唔明佢寫嘜鬼…估計都係呢幾日有甚事麼甚麼原因，所以會休息…我諗係啩…除非唔係！
最後我地係地下街是鬼但搵左間餐廳…佢都算多人排隊吖…不過味道就麻麻地。
晚飯後就返左酒店，瞓覺前例行工事…攞哂ｄ手提電話及相機出嚟叉電…哈…有冇搞錯！
黑仔行程第六件事出現左…相機報銷，好在最後發現只係個cover filter 碎左…唔係部相機…如果唔係就肉痛死。
Day 3 完 （黑仔嘅—日完）
大井川鐵道…MC: 83 856 653*9/83 856 653*11
寸又峽 + 夢之吊橋… MC 912 029 588/ 912 029 619
れたけインプレミアム静岡駅前…〒420-0859 静岡県静岡市葵区栄町１－１５電話番号：054-252-1111 MC: 25 497 428
沒有留言:
張貼留言