別府 ＞ 湯布院 ＞ 溫泉酒店
早早就起來⋯試吓佢另一個貨切溫泉。
溫泉後，早餐時間⋯好味。
隻溫泉蛋⋯Good。
早餐後⋯就即刻起程去湯布院。
湯布院，第一眼見到嘅⋯就係呢座山⋯都幾靚。
馬路原來真係有馬車行⋯超搞野。
湯布院駅。
湯布院嘅景點主要分佈係由布院JR駅至金鱗湖之間大約1.5公里嘅溫泉街上，附近有唔少大大小小嘅停車場可以泊低架車，不過我就偷雞地把車拍低係離B-Speak不遠處嘅公衆草地（註：係條河隔離），慳返￥600⋯Yeah。
呢件餅幾好味，可惜⋯大貴喇。
最後冇買到，不過試食時⋯食左好多。
唔好似為試食可以食咁大粒⋯好似相裏面嗰粒咁，比人試食嗰d⋯其實係會切成一粒粒好細粒⋯之後用牙籤吉住放係櫃台上比客人攞嚟食，而相裏面嗰粒只係我貪心，見佢放係一邊⋯放涼，以為舖頭咁大方成粒比人攞嚟試食，後來先發現並唔係咁⋯哈哈。
宮崎駿fans不能不到的「どんぐりの森」精品店。
甜品⋯￥120⋯好香芝士味，有興趣可以一試。
金鱗湖。
午餐⋯'泉'手打喬麥麵，都幾多人排隊⋯味道還可以。
我地反而覺得比錢時⋯喬麥麵店請我地食嘅甜品'黑糖饅頭'仲好味，之後我地都特地去呢間鋪頭⋯買左幾盒'黑糖饅頭'返香港比屋企人試吓。
旅遊書有介紹呢間舖頭嘅布甸,我地就覺得好麻麻地丶好一般貨式，最可悲係佢地嘅服務態度十分之差⋯d服務員都唔知點解口黑面黑，好似欠左佢地好多錢咁，比人嘅感覺⋯係唔想做你地生意咁，唔想做咪唔好開鋪囉，我同團友2號食完都即刻走人⋯留多一陣都唔舒服。
好普通嘅布甸⋯完全冇驚喜，同係超市買嘅差不多。
B-Speak⋯超多人排隊。
評價：好味⋯原味好食過朱古力味，可能朱古力味會把香濃嘅忌廉香味蓋過。
之後行多一陣我地就返左酒店check-in。
對呢間酒店評價：服務麻麻⋯好冷漠、晚餐麻麻丶房間同溫泉還可以。
住宿: 旅の宿 ぽっぽ庵…〒879-5103 大分県由布市湯布院町川南９０９－１ Tel: 0977-84-5757MC 269 327 048
住呢間溫泉酒店主要目的，就係為左佢⋯私人風呂，仲要係面對住火車經過嘅路線，可以一路浸溫泉⋯一路留意下有冇火車經過，真係好寫意。
晚餐時間，食物普通左d⋯冇驚喜。
晚餐後浸多次溫泉後⋯就一覺瞓到大天光。
第六日完。
～END~
沒有留言:
張貼留言