早餐好一般...但package 包左，冇理由唔食㗎，食完即刻出發...原因今日太多地方要去！
佐々木果樹園…地方好偏僻、人亦唔多個。
呢個果園又係冇咩選擇...只得蘋果同西梅，咁我地只好又要左西梅...原因係d蘋果唔太靚，唯有再食西梅la，呢道d西梅比網走嗰d細粒好多同冇咁好食...失望！
盛惠每人¥600...大約一個鐘頭左右任你食，最後我地食得唔多...不過就私底下攞左十粒八粒走，冇洩底吖ma!
豐平峽⋯d紅葉比其他地方都要紅同多，值得一去（以上評語由團友2號親筆...佢話夠簡潔喎)!
定山溪之二見公園/二見吊橋…成個定山溪都冷冷清清，不過條河流加埋d紅葉又真係幾靚嘅，都值得一去...不過就唔冼係呢道過夜住一晚...浪費$$！
Big House supermarket...途中見到呢間野，我地就走入去行下，誰不知d野真係比其他地方平幾多下，最後我地都滿載而歸...唔買真係有小小對唔住自己！
トリトン迴轉壽司(円山店)…lunch嘅地方，同第一日係旭川食嗰間係同一個集團，不過呢間d野就好食好多...起碼個湯唔會太鹹la！
場外市場...冇咩好睇，行左一陣就即走...冇謂浪費時間！
Chocolate Lounge...開頭係想去Sapporo Factory，誰不知嗰本死人旅遊書個map code 係錯嘅，老點我地去左Chocolat Lounge...超級離鬼哂普...：（
之後我就係晚餐嘅地方（薄野）放低左團友2號，自己就去札榥還車先，轉頭再去薄野join返佢。
銀牙(炭焼)…今晩終於可以食喇，冇嚟錯，真係ok好味，唔解得知係網上嘅評分會咁高分啦...超超滿足！
Day 8...完...
是日特發事件追擊：係薄野放低左團友2號之後，叫左佢係晚餐嗰座building前面等我30分鐘左右...千奇唔好走開，等我還完車之後就會返去揾佢，誰不知佢自己走左去行街...其實行街係好正常，但唔講大家唔知...團友2號就好似亂馬1／2裏面嘅良牙一樣，完全係方向白痴...咁大個人都未識得分邊面係左邊面係右，到最後佢真係迷失左路...身上又冇帶電話，佢搵路返去晚餐嘅地方足足用左個半鐘，而我就足足驚左咁耐...真係嚇鬼死人、命都短幾年！
佐々木果樹園…Tel:
011-598-4050 (MC 708 633 724) 〒061-2301札幌市南区定山渓832番地
豐平峽…Tel: 011-598-3452(MC 708 573 534/708 574 395)
二見公園/二見吊橋…Tel: 011-598-221(MC 708 754 468/498
沒有留言:
張貼留言